T20 World Cup: టీ20 ప్ర‌పంచ‌క‌ప్.. టీమిండియాకు కెప్టెన్‌గా కొత్త పేరు..?!

T20 World Cup: టీ20 ప్రపంచకప్ (T20 World Cup) 2024 జూన్ 1 నుంచి ప్రారంభం కానుంది. దీని కోసం ఏ దేశం కూడా ఇంకా జట్టును విడుదల చేయలేదు. ఈ క్ర‌మంలోనే టీ20 వ‌ర‌ల్డ్ క‌ప్‌లో టీమిండియాకు ఎవ‌రు కెప్టెన్‌గా వ్యవహరిస్తారనే సందేహం నెలకొంది. అయితే రోహిత్ శర్మ T20 ఇంటర్నేషనల్‌కు తిరిగి వచ్చాడు. కాబట్టి అతను భార‌త జ‌ట్టుకు మొదటి ఎంపిక. దీంతో పాటు గత ఏడాది కాలంగా టీ20 జట్టుకు నిరంతరం కెప్టెన్‌గా వ్యవహరిస్తున్న హార్దిక్ పాండ్యాకు కూడా కెప్టెన్‌గా అవకాశం ద‌క్క‌వ‌చ్చ‌ని అంటున్నారు క్రీడా పండితులు.

ఇటీవలే రోహిత్ స్థానంలో ముంబై ఇండియన్స్ కమాండ్ కూడా హార్దిక్‌కే దక్కింది. అంతేకాకుండా సూర్యకుమార్ యాదవ్ అనేక సందర్భాల్లో టీ20 ఫార్మాట్‌లో టీమిండియాకు కెప్టెన్‌గా కూడా కనిపించాడు. అయితే ఇప్పుడు ఈ ముగ్గురు కాకుండా మ‌రో ఆట‌గాడు కూడా పోటీకి వ‌స్తున్న‌ట్లు విశ్వ‌స‌నీయ వ‌ర్గాల స‌మాచారం.

ఆ నాలుగో పోటీదారు ఎవరు?

ప్రపంచకప్‌లో కెప్టెన్సీ కోసం ప్రధాన పోటీ రోహిత్ శర్మ, హార్దిక్ పాండ్యా మధ్యే ఉంది. అయితే సూర్యకుమార్ యాదవ్ బ్యాకప్ ఎంపికగా ఉండే అవ‌కాశాలే ఎక్కువ‌. అయితే గత కొంత కాలంగా కేఎల్ రాహుల్ వైట్ బాల్, రెడ్ బాల్ క్రికెట్‌లో రాణిస్తున్నాడు. అంతేకాదు వికెట్‌కీపర్‌ బ్యాట్స్‌మెన్‌గా కూడా నిరూపించుకున్నాడు. టీమిండియా టీ20 జట్టులో ప్రస్తుతం ఈ స్థానాన్ని ఎవ‌రు భర్తీ చేయలేక‌పోతున్నారు. ఇషాన్ కిషన్ అకస్మాత్తుగా విరామం తీసుకున్నాడు. జట్టులో సంజు శాంసన్, జితేష్ శర్మల స్థానం ధృవీకరించబడలేదు. ప్రమాదం తర్వాత రిషబ్ పంత్ క్రికెట్‌కు దూరంగా ఉన్నాడు. ఇలాంటి పరిస్థితిల్లో రాహుల్ T20 ప్రపంచ కప్ 2022 నుండి T20 ఇంటర్నేషనల్ ఆడలేదు. T20 ప్రపంచ కప్‌లో అతను వికెట్ కీపర్ బ్యాట్స్‌మెన్‌గా చూడవచ్చు.

Also Read: Fastest Triple Century :147 బాల్స్‌లో ట్రిపుల్ సెంచ‌రీ.. హైదరాబాదీ క్రికెటర్ వరల్డ్ రికార్డ్

అంతేకాకుండా గత టీ20 ప్రపంచకప్‌లో రాహుల్ టీమిండియాకు వైస్ కెప్టెన్‌గా వ్యవహరించాడు. అనేక సందర్భాల్లో అతను వివిధ ఫార్మాట్లలో జట్టుకు కెప్టెన్‌గా ఉన్నాడు. ఐపీఎల్‌లో లక్నో సూపర్‌ జెయింట్స్‌ కెప్టెన్‌గా ఉన్నాడు. ఈ కారణంగా రాహుల్ టీ20లో కెప్టెన్సీకి కూడా పోటీదారుగా మారవచ్చని తెలుస్తోంది. కానీ రోహిత్, హార్దిక్ ఇద్దరూ లేకుంటేనే రాహుల్‌కు క‌మాండ్ వ‌చ్చే అవ‌కాశం ఉంది. ఒక‌వేళ రాహుల్ టీ20 ప్రపంచకప్‌కు జట్టులో ఉంటే అప్పుడు టీమిండియా న‌లుగురు పటిష్టమైన కెప్టెన్సీ మెటీరియల్‌ని కలిగి ఉంటుందన‌డంలో ఎటువంటి సందేహం లేదు.

జూన్‌లో టీ20 ప్రపంచకప్ జరగనుంది. IPL 2024 మార్చి చివరి నుండి మే చివరి వరకు నిర్వహించబడుతుంది. ప్రపంచకప్‌కు సంబంధించిన స్క్వాడ్ జట్లను మే 1 నాటికి విడుదల చేయనున్నారు. మే 20 వరకు ఇందులో మార్పులు ఉండవచ్చు. అంటే ఐపీఎల్ తొలి అర్ధభాగంలో ఆటగాళ్ల ప్రదర్శనతో టీమిండియా టీ20 ప్రపంచకప్ జట్టులో ఆట‌గాళ్లు చోటు దక్కించుకోవచ్చు. ఐపీఎల్ తేదీలు ఇంకా రాలేదు. తాత్కాలిక తేదీలు మార్చి 22 నుండి ఐపీఎల్ ప్రారంభం చేయొచ్చ‌నే వార్త‌లు వ‌స్తున్నాయి. అయితే ఈ తేదీ ఇంకా ధృవీకరించబడలేదు.

We’re now on WhatsApp : Click to Join