Suryakumar Yadav- Virat Kohli: యూఎస్ఏ (USA)తో జరిగిన మ్యాచ్లో భారత కెప్టెన్ సూర్యకుమార్ యాదవ్ అద్భుతమైన అర్ధశతకంతో రాణించారు. ఈ మ్యాచ్లో భారత్ తరపున హాఫ్ సెంచరీ సాధించిన ఏకైక ఆటగాడు ఆయనే. తన మెరుపు ఇన్నింగ్స్తో విరాట్ కోహ్లీ పేరిట ఉన్న ఒక రికార్డును సూర్య అధిగమించారు. సూర్య ఈ మ్యాచ్లో 49 బంతుల్లో 84 పరుగులు చేశారు. ఇందులో 10 ఫోర్లు, 4 సిక్సర్లు ఉన్నాయి. ఆయన 171.42 స్ట్రైక్ రేట్తో బ్యాటింగ్ చేసి అందరినీ అలరించారు. ఈ మ్యాచ్లో భారత ప్రధాన బ్యాటర్లు దాదాపు విఫలమయ్యారు. ఓపెనర్ అభిషేక్ శర్మ ఖాతా తెరవలేకపోగా, రింకూ సింగ్ 14 బంతుల్లో కేవలం 6 పరుగులు మాత్రమే చేశారు.
విరాట్ కోహ్లీని వెనక్కి నెట్టిన సూర్యకుమార్ యాదవ్
ఈ అర్ధశతకంతో సూర్యకుమార్ యాదవ్ విరాట్ కోహ్లీ నెలకొల్పిన ఒక పెద్ద రికార్డును బద్దలు కొట్టారు. టీ20 వరల్డ్ కప్ మ్యాచ్లో కెప్టెన్గా అత్యధిక పరుగులు చేసిన రెండో భారతీయ ఆటగాడిగా సూర్య నిలిచారు. ఈ జాబితాలో రోహిత్ శర్మ 92 పరుగులతో (2024లో ఆస్ట్రేలియాపై) అగ్రస్థానంలో ఉన్నారు. ఇప్పుడు సూర్య 84 పరుగులతో రెండో స్థానానికి చేరుకున్నారు. అంతకుముందు విరాట్ కోహ్లీ 57 పరుగులతో (2021లో పాకిస్థాన్పై) రెండో స్థానంలో ఉండేవారు. ఇప్పుడు ఆయన మూడో స్థానానికి పడిపోయారు.
Also Read: టీ20 వరల్డ్ కప్ 2026.. బోణీ కొట్టిన టీమిండియా!
భారత్ 161 పరుగులు సాధించింది
ఈ మ్యాచ్లో భారత్కు శుభారంభం దక్కలేదు. ఇషాన్ కిషన్ 16 బంతుల్లో 20 పరుగులు చేయగా, అభిషేక్ శర్మ ఎదుర్కొన్న తొలి బంతికే అవుట్ అయ్యారు. శివమ్ దూబే కూడా ఖాతా తెరవకుండానే వెనుదిరిగారు. పవర్ప్లే ముగిసేసరికి (6 ఓవర్లలో) భారత్ 4 వికెట్ల నష్టానికి కేవలం 46 పరుగులు మాత్రమే చేసింది. అయితే ఆ తర్వాత సూర్య తన అసాధారణ ప్రదర్శనతో టీమిండియాను 161 పరుగుల గౌరవప్రదమైన స్కోరుకు చేర్చారు.
టీ20 వరల్డ్ కప్ మ్యాచ్లో అత్యధిక పరుగులు చేసిన భారత కెప్టెన్లు
- రోహిత్ శర్మ- 92,
- సూర్యకుమార్ యాదవ్- 84
- విరాట్ కోహ్లీ- 57
- ఎంఎస్ ధోనీ- 45
20 వరల్డ్ కప్ కెప్టెన్సీ అరంగేట్రంలో అత్యధిక పరుగులు చేసిన ఆటగాళ్లు
- క్రిస్ గేల్ (వెస్టిండీస్) – 88 పరుగులు vs ఆస్ట్రేలియా (2009)
- సూర్యకుమార్ యాదవ్ (భారత్) – 84 పరుగులు vs యూఎస్ఏ (2026)
- బాబర్ ఆజం (పాకిస్థాన్) – 68 పరుగులు vs భారత్ (2021)
- మహేల జయవర్ధనే (శ్రీలంక) – 65 పరుగులు vs కెన్యా (2007)
- మహ్మద్ అష్రఫుల్ (బంగ్లాదేశ్) – 61 పరుగులు vs వెస్టిండీస్ (2007)