Rahul Dravid: టీ20 ప్రపంచకప్ 2024 ఛాంపియన్ టీమ్ ఇండియా కోచ్ రాహుల్ ద్రవిడ్ (Rahul Dravid) పదవీకాలం ముగిసింది. కోచ్గా రాహుల్ ద్రవిడ్ చివరి మ్యాచ్ ఎప్పటికీ గుర్తుండిపోతుంది. అతని కోచింగ్లో టీమ్ ఇండియా అజేయంగా నిలిచి టీ20 ప్రపంచకప్ టైటిల్ను కైవసం చేసుకుంది. దీంతో పాటు రాహుల్ ద్రవిడ్ కోచింగ్ సారథ్యంలో వన్డే ప్రపంచకప్, ప్రపంచ టెస్టు ఛాంపియన్షిప్లో టీమిండియా ఫైనల్స్కు చేరుకుంది. కోచ్గా రాహుల్ ద్రవిడ్ చాలా సక్సెస్ అయ్యాడు. ఇటువంటి పరిస్థితిలో రాహుల్ ద్రవిడ్ను భారతరత్నతో సత్కరించాలని ఓ టీమిండియా మాజీ క్రికెటర్ అభ్యర్థించారు.
రాహుల్ ద్రవిడ్ను భారతరత్నతో సత్కరించాలని భారత క్రికెట్ జట్టు మాజీ బ్యాట్స్మెన్ సునీల్ గవాస్కర్ తన మనసులోని మాటను బయటపెట్టాడు. రాహుల్ ద్రవిడ్కు ఈ గౌరవం దక్కాలని సునీల్ గవాస్కర్ అన్నారు. ఇది భారతదేశ అత్యున్నత పౌర గౌరవం. రాహుల్ ద్రవిడ్ ఆటగాడిగా, కెప్టెన్గా టీమ్ఇండియాకు అద్భుతంగా పనిచేశాడు. 2007, 2011 ప్రపంచకప్ల తర్వాత 2013లో ఛాంపియన్స్ ట్రోఫీ టైటిల్ను టీమిండియా గెలుచుకుంది. ఆ తర్వాత గత 11 ఏళ్లుగా జట్టు ఐసీసీ ఏ ట్రోఫీని గెలవలేకపోయింది. 2022లో రాహుల్ ద్రవిడ్ కోచ్ అయ్యాక అంతా మారిపోయింది. ఇప్పుడు టీ20 క్రికెట్లో చాంపియన్గానూ, టెస్టు, వన్డే క్రికెట్లో రన్నరప్గానూ నిలిచింది.
Also Read: Suryakumar Yadav: ఇదంతా దేవుడి ప్లాన్.. రింకూ సింగ్పై సూర్యకుమార్ ఇంట్రెస్టింగ్ ట్వీట్!
రాహుల్ ద్రవిడ్కు కోచ్గా కాకుండా విజయవంతమైన ఆటగాడిగా, కెప్టెన్గా ఈ గౌరవం దక్కాలని సునీల్ గవాస్కర్ తెలిపారు. ఆటగాడిగా, కెప్టెన్గా రాహుల్ ద్రవిడ్ భారత్కు ఎంతో సేవ అందించాడని గవాస్కర్ అన్నారు. ఆటగాడిగా ఎన్నో కష్టతరమైన మ్యాచ్ లను జట్టుకు గెలిపించిన ద్రవిడ్ కెప్టెన్ గా ఒక్క మ్యాచ్ కూడా గెలవడం కష్టంగా ఉన్న సమయంలో విదేశీ గడ్డపై సిరీస్ లను కైవసం చేసుకున్న విషయాన్ని గుర్తుచేశారు. ఇప్పుడు ద్రావిడ్ కోచ్గా కూడా నిరూపించుకున్నాడు. రాహుల్ ద్రవిడ్కు భారతరత్న ఇవ్వడానికి ప్రభుత్వానికి ఇదే సరైన సమయమని ఆయన పేర్కొన్నారు.
We’re now on WhatsApp : Click to Join
రాహుల్ ద్రవిడ్ కెరీర్
రాహుల్ ద్రవిడ్ భారత్ తరఫున 164 టెస్టు మ్యాచ్లు ఆడి 13288 పరుగులు చేశాడు. టెస్టుల్లో రాహుల్ ద్రవిడ్ పేరిట 36 సెంచరీలు, 63 హాఫ్ సెంచరీలు ఉన్నాయి. ఇందులో అతను 5 సార్లు డబుల్ సెంచరీ సాధించాడు. కాగా, రాహుల్ ద్రవిడ్ 344 వన్డేల్లో 10889 పరుగులు చేశాడు. ఇందులో అతను 12 సెంచరీలు, 83 అర్ధ సెంచరీలు సాధించాడు. రాహుల్ ద్రవిడ్ భారత్ తరపున 1 టీ20 మ్యాచ్ మాత్రమే ఆడాడు. అందులో కేవలం 31 పరుగులు చేశాడు.