Heinrich Klassen: దక్షిణాఫ్రికా దిగ్గజ ఆటగాడు హెన్రిచ్ క్లాసెన్ (Heinrich Klassen) అంతర్జాతీయ క్రికెట్ నుండి రిటైర్మెంట్ ప్రకటించాడు. దేశం త‌రుపున ఆడ‌టం అత్యంత గౌరవమైన విషయమని, రిటైర్మెంట్ నిర్ణయం తనకు చాలా కష్టమైనదని అతను చెప్పాడు. క్లాసెన్ ఒక వన్డే మ్యాచ్‌లో దక్షిణాఫ్రికా తరపున తన మొదటి అంతర్జాతీయ మ్యాచ్ ఆడాడు. తన మొత్తం అంతర్జాతీయ కెరీర్‌లో అతను 3,245 పరుగులు సాధించాడు.
హెన్రిచ్ క్లాసెన్ ఇన్‌స్టాగ్రామ్‌లో తన కుటుంబంతో ఉన్న ఫోటోను షేర్ చేసి, క్రికెట్ నుండి దూరమవుతున్నట్లు తన నిర్ణయాన్ని వెల్లడించాడు. దేశం తరపున ఆడ‌టం నాకు గర్వకారణం. నేను చిన్నప్పటి నుండి ఇదే కలను కనేవాడిని అని అన్నారు. ఈ అద్భుతమైన క్రికెట్ కెరీర్‌లో తన జీవితాన్ని మార్చిన వ్యక్తులను కలుసుకున్నానని కూడా క్లాసెన్ చెప్పాడు.
రిటైర్మెంట్ కారణాన్ని వివరిస్తూ క్లాసెన్ ఇలా అన్నాడు. ఇప్పుడు నేను కుటుంబంతో ఎక్కువ సమయం గడపాలని ఆశిస్తున్నాను. ఎందుకంటే రిటైర్మెంట్ తర్వాత మాత్రమే నేను అలా చేయగలను అని తెలిపాడు. క్రికెట్‌లో ఈ స్థాయికి చేరుకోవడంలో సహాయం చేసిన ప్రతి ఒక్కరికీ క్లాసెన్ కృతజ్ఞతలు తెలిపాడు.
Also Read: CM Chandrababu : కొల్లేరు పరిరక్షణ అత్యవసరం.. అధికారులకు చంద్రబాబు కీలక ఆదేశాలు
గత సంవత్సరం టెస్ట్ క్రికెట్ నుండి రిటైర్మెంట్ తీసుకున్నాడు
హెన్రిచ్ క్లాసెన్ గత సంవత్సరం జనవరిలో టెస్ట్ క్రికెట్‌కు వీడ్కోలు చెప్పాడు. తన రెడ్-బాల్ కెరీర్‌లో అతను కేవలం 4 మ్యాచ్‌లు ఆడి, 104 పరుగులు మాత్రమే సాధించాడు. ఇప్పుడు అతను వన్డే, టీ20 ఫార్మాట్‌లకు కూడా వీడ్కోలు చెప్పాడు. తన 60 వన్డే మ్యాచ్‌ల కెరీర్‌లో అతను 2,141 పరుగులు సాధించాడు. అందులో 4 సెంచరీలు, 11 హాఫ్-సెంచరీలు ఉన్నాయి. టీ20లో తన విధ్వంసక బ్యాటింగ్‌తో అతను గుర్తింపు పొందాడు. ఇక్కడ దక్షిణాఫ్రికా తరపున 58 మ్యాచ్‌లలో 1,000 పరుగులు సాధించాడు.
హెన్రిచ్ క్లాసెన్ తన చివరి మ్యాచ్‌ను ఐపీఎల్ 2025లో సన్‌రైజర్స్ హైదరాబాద్ తరపున ఆడాడు. తన చివరి మ్యాచ్‌లో అతను కేకేఆర్‌తో జరిగిన మ్యాచ్‌లో 105 పరుగులతో నాటౌట్‌గా నిలిచాడు. దక్షిణాఫ్రికా తరపున తన చివరి మ్యాచ్‌ను మార్చి 2025లో న్యూజిలాండ్‌తో ఆడాడు.