Sania Mirza : షోయబ్ మాలిక్‌తో విడాకుల పుకార్లు.. సానియా మీర్జా పోస్ట్.. ఏమ‌న్నారంటే..?

Sania

భారత టెన్నిస్ స్టార్‌ సానియా మీర్జా, పాక్ క్రికెటర్ షోయబ్ మాలిక్‌తో విడాకులు అనే పుకార్లు షికార్లు చేస్తున్నాయి. ఈ పుకార్ల నేప‌థ్యంలో సానియా మిర్జా త‌న ఇన్‌స్టాగ్రామ్‌లో ఓ పోస్ట్ చేసింది. ఇప్పుడు ఆ పోస్ట్ ఆమె అభిమానుల్లో ఆందోళ‌న క‌లిగిస్తుంది. ఈ ఇద్ద‌రి మధ్య వైవాహిక సమస్యలు తలెత్తుతున్నట్లు కనిపిస్తోంది. ఆమె విడాకుల పుకార్ల ఊహాగానాలకు మరింత ఆజ్యం పోస్తూ.. సానియా మీర్జా తన ఇన్‌స్టాగ్రామ్‌లో ఓ రహస్య పోస్ట్‌ను షేర్ చేసింది. అది ఆమె అభిమానులను ఆందోళనకు గురి చేసింది. “విరిగిన హృదయాలు ఎక్కడికి వెళ్తాయి అంటూ ఆమె పోస్ట్ చేసింది. ప్రస్తుతానికి వీరిద్ద‌రి మ‌ధ్య విభేదాల వెనుక ఖచ్చితమైన కారణం ఇంకా తెలియదు. అయితే పాకిస్తాన్ నుండి వచ్చిన కొన్ని మీడియా నివేదికలు మిస్టర్ మాలిక్ తన టీవీ షోలలో ఒకదానిలో సానియాను మోసం చేశాడని సూచిస్తున్నాయి. ఈ జంట విడిపోయి గత కొంతకాలంగా విడివిడిగా జీవిస్తున్నారని పాక్ మీడియా కూడా పేర్కొంది. ఈ జంట ఇప్పుడు కొడుకు ఇజాన్‌కు మాత్రమే సహ-తల్లిదండ్రులుగా ఉన్నారని పుకార్లు వ‌స్తున్నాయి. అయితే దీనిపై తారలు ఎవరూ స్పందించలేదు.

సానియా, షోయబ్ ఏప్రిల్ 2010లో పెళ్లి చేసుకున్నారు. వారికి నాలుగేళ్ల కొడుకు ఇజాన్ ఉన్నాడు. ఈ జంట ఇటీవల తమ కుమారుడు ఇజాన్ మీర్జా మాలిక్ పుట్టినరోజును దుబాయ్‌లో జరుపుకున్నారు. ఆ చిత్రాలను టెన్నిస్ స్టార్ సానియా పోస్ట్ చేయ‌లేదు. ఆ ఫోటోల‌ను షోయ‌బ్ మాలిక్ మాత్ర‌మే షేర్ చేసుకున్నారు. సానియా మీర్జా షేర్ చేసిన మొదటి రహస్య పోస్ట్ ఇది కాదు. కొన్ని రోజుల క్రితం, ఆమె తన కుమారుడితో ఉన్న చిత్రాన్ని, “కష్టతరమైన రోజులను ఎదుర్కొన్న క్షణాలు” అనే క్యాప్షన్‌తో షేర్ చేసింది.