Australia Test Squad: మిగిలిన రెండు టెస్టుల కోసం జ‌ట్టును ప్ర‌క‌టించిన ఆసీస్‌.. ప్ర‌ధాన మార్పులు ఇవే!

Australia Test Squad: భారత్-ఆస్ట్రేలియా మధ్య సిరీస్ 1-1తో సమమైంది. మూడవ మ్యాచ్ గబ్బాలో డ్రా అయింది. ఆ తర్వాత ఇప్పుడు నాలుగో మ్యాచ్ మెల్‌బోర్న్‌లో, ఐదవ మ్యాచ్ సిడ్నీలో జరుగుతుంది. ఈ రెండు మ్యాచ్‌లకు ఆస్ట్రేలియా జట్టును ప్రకటించారు. రెండు మ్యాచ్‌ల కోసం ఆస్ట్రేలియా జట్టులో (Australia Test Squad) మూడు ప్రధాన మార్పులు జరిగాయి. ఇదే సమయంలో ఒక ఆటగాడు ఆస్ట్రేలియా తరపున టెస్ట్ క్రికెట్‌లో అరంగేట్రం చేసే అవకాశాన్ని పొందబోతున్నాడు.

ఈ ముగ్గురు ఆటగాళ్లు తొలిసారి సిరీస్‌లోకి ప్రవేశించారు

రెండు టెస్టు మ్యాచ్‌ల కోసం ముగ్గురు ఆటగాళ్లు ఆస్ట్రేలియా జట్టులో చేరారు. ఇందులో 19 ఏళ్ల ఓపెనింగ్ బ్యాట్స్‌మన్ కూడా ఉన్నాడు. అతను తన టెస్టు అరంగేట్రం చేయబోతున్నాడు. అత‌నెవ‌రో కాదు సామ్ కాన్స్టాస్. ఈ ఆటగాడు ఫస్ట్ క్లాస్ క్రికెట్‌లో తన అద్భుతమైన బ్యాటింగ్‌తో ఎంతగానో ఆకట్టుకున్నాడు. దీంతో పాటు జై రిచర్డ్‌సన్, సీన్ అబాట్‌లకు కూడా జట్టులో చోటు దక్కింది.

దాదాపు రెండేళ్ల తర్వాత ఝే రిచర్డ్‌సన్ ఆస్ట్రేలియా జట్టులోకి తిరిగి రానున్నాడు. అతను చివరిసారిగా 2021-22లో ఆడిన యాషెస్ సిరీస్‌లో కనిపించాడు. ఇది కాకుండా బ్యూ వెబ్‌స్టర్‌ను మళ్లీ జట్టులో చేర్చారు. దీనికి ముందు ఈ ఆటగాడు అడిలైడ్ టెస్టు కోసం కూడా జట్టులో చేర్చబడ్డాడు.

Also Read: Case Against KTR: కేటీఆర్‌పై ఏసీబీ కేసు.. హైకోర్టును ఆశ్ర‌యించిన న్యాయ‌వాదులు

ఈ ఇద్దరు ఆటగాళ్లకు విశ్రాంతి ఇచ్చారు

సిరీస్‌లోని మొదటి మూడు మ్యాచ్‌లలో ఉస్మాన్ ఖవాజాతో కలిసి నాథన్ మెక్‌స్వీనీ ఓపెనింగ్‌లో కనిపించాడు. కానీ ఇప్పటి వరకు మొత్తం సిరీస్‌లో ఈ ఆటగాడి ప్రదర్శన ప్రత్యేకంగా ఏమీ లేదు. దీని కారణంగా ఇప్పుడు నాథన్ మెక్‌స్వీనీ జట్టు నుండి తొల‌గించారు. మరోవైపు గాబా టెస్ట్ సమయంలో ఫాస్ట్ బౌలర్ జోష్ హేజిల్‌వుడ్ గాయపడ్డాడు. గాయం కారణంగా అతను గాబా టెస్ట్ మధ్యలో ఆసుపత్రికి వెళ్ళవలసి వచ్చింది. ఇప్పుడు హేజిల్‌వుడ్ కూడా గత రెండు మ్యాచ్‌ల నుంచి దూరం కానున్నాడు.

ఆస్ట్రేలియా జట్టు

ఉస్మాన్ ఖవాజా, సామ్ కాన్స్టాన్స్, స్టీవ్ స్మిత్, ట్రావిస్ హెడ్, మిచెల్ మార్ష్, అలెక్స్ కారీ, మార్నస్ లాబుస్చాగ్నే, నాథన్ లియోన్, పాట్ కమిన్స్ (కెప్టెన్), మిచెల్ స్టార్క్, సీన్ అబాట్, రిచర్డ్‌సన్, బ్యూ వెబ్‌స్టర్, స్కాట్ బోలాండ్, జోష్ ఇంగ్లీష్.