Rohit Sharma: రోహిత్ శర్మ (Rohit Sharma) నేతృత్వంలోని భారత క్రికెట్ జట్టు 2023 వన్డే ప్రపంచ కప్‌లో ఆరో మ్యాచ్‌ను ఆదివారం లక్నోలోని ఎకానా క్రికెట్ స్టేడియంలో ఇంగ్లాండ్‌తో ఆడనుంది. ఈ మ్యాచ్‌లో భారత కెప్టెన్ రోహిత్ శర్మ బ్యాట్‌తో చరిత్ర సృష్టించడం దాదాపు ఖాయం. ఇప్పటి వరకు టోర్నీలో రోహిత్ చాలా మంచి ఫామ్‌లో ఉన్నాడు. ఇంగ్లండ్‌తో జరిగే మ్యాచ్‌లో 47 పరుగులు చేసి రోహిత్ శర్మ తన పేరిట చాలా ప్రత్యేకమైన రికార్డును క్రియేట్ చేయనున్నాడు.
నిజానికి అంతర్జాతీయ క్రికెట్‌లో 18,000 పరుగుల మార్క్‌కు రోహిత్ శర్మ కేవలం 47 పరుగుల దూరంలో ఉన్నాడు. ప్రపంచకప్‌లో రోహిత్ శర్మ ఇప్పటివరకు చూసిన ఫామ్ చూస్తుంటే.. ఇంగ్లండ్‌పై సులువుగా 47 పరుగులు చేయగలడనిపిస్తోంది. రోహిత్ ఇప్పటివరకు 456 అంతర్జాతీయ మ్యాచ్‌లలో 476 ఇన్నింగ్స్‌లలో 43.36 సగటుతో 17,953 పరుగులు చేశాడు. అందులో 45 సెంచరీలు, 98 అర్ధ సెంచరీలు చేశాడు. రోహిత్ బ్యాట్ నుండి 1703 ఫోర్లు, 568 సిక్సర్లు కొట్టాడు.
Also Read: Australia Squad: భారత్‌తో ఐదు మ్యాచ్‌ల టీ20 సిరీస్‌.. జట్టును ప్రకటించిన ఆస్ట్రేలియా..!
ఇప్పటి వరకు కేవలం నలుగురు భారత బ్యాట్స్‌మెన్ మాత్రమే 18,000 అంతర్జాతీయ పరుగుల మార్కును దాటగలిగారు. రోహిత్ శర్మ ఐదవ భారత బ్యాట్స్‌మెన్‌గా అవతరించనున్నాడు. నలుగురు బ్యాట్స్‌మెన్‌ల జాబితాలో సచిన్ టెండూల్కర్, విరాట్ కోహ్లీ, రాహుల్ ద్రవిడ్, సౌరవ్ గంగూలీ ఉన్నారు.
We’re now on WhatsApp. Click to Join.
ODI ప్రపంచ కప్ 2023 గురించి మాట్లాడుకుంటే.. భారత కెప్టెన్ ఇప్పటివరకు 5 మ్యాచ్‌లలో 5 ఇన్నింగ్స్‌లలో 62.20 సగటుతో 133.48 స్ట్రైక్ రేట్‌తో 1 సెంచరీ, 1 అర్ధ సెంచరీతో సహా 311 పరుగులు చేశాడు. ఆఫ్ఘనిస్తాన్‌తో జరిగిన మ్యాచ్‌లో రోహిత్ శర్మ 65 బంతుల్లో సెంచరీ సాధించాడు. ఇది వన్డే ప్రపంచకప్ చరిత్రలో భారత బ్యాట్స్‌మెన్ చేసిన ఫాస్టెస్ట్ సెంచరీ. గత రెండు మ్యాచ్‌ల్లోనూ అర్ధశతకం చేరువలో రోహిత్ శర్మ తన వికెట్ కోల్పోయాడు.బంగ్లాదేశ్‌తో జరిగిన మ్యాచ్‌లో 48 పరుగులు, న్యూజిలాండ్‌పై 46 పరుగులు చేశాడు.