Rishabh Pant: భారత జట్టులోకి రిషబ్ పంత్ వచ్చేది ఎప్పుడంటే..?

Rishabh Pant: రిషబ్ పంత్ (Rishabh Pant) ప్రస్తుతం గాయం నుంచి కోలుకుంటున్నాడు. పంత్ చాలా వరకు కోలుకున్నాడు. పూర్తి ఫిట్‌గా ఉండటానికి కొన్ని అడుగుల దూరంలో ఉన్నాడు. కారు ప్రమాదం తర్వాత పంత్‌కు మోకాలికి శస్త్రచికిత్స జరిగింది. నివేదికల ప్రకారం.. జనవరి 2024లో ఆఫ్ఘనిస్తాన్‌తో జరిగే సిరీస్ ద్వారా పంత్ అంతర్జాతీయ క్రికెట్‌లో పునరాగమనం చేసే అవకాశం ఉన్నట్లు సమాచారం.

ఆఫ్ఘనిస్తాన్ ప్రపంచ కప్ 2023లో బాగానే రాణిస్తుంది. పంత్ గురించి మాట్లాడుకుంటే.. అంతర్జాతీయ మ్యాచ్‌లు ఆడే ముందు భారత వికెట్ కీపర్ బ్యాట్స్‌మెన్ దేశీయ క్రికెట్‌లో శ్రమించడం ద్వారా మ్యాచ్ ఫిట్‌నెస్, విశ్వాసాన్ని పొందవలసి ఉంటుంది. పంత్ పునరాగమనం ఎక్కువగా దేశవాళీ క్రికెట్‌లో అతని ప్రదర్శనపై ఆధారపడి ఉంటుంది. నివేదికలలో ఆఫ్ఘనిస్తాన్‌తో సిరీస్‌లో పంత్ తిరిగి రావడానికి సంబంధించి BCCI ఒక నవీకరణను అందించిందని పేర్కొంది.

‘ఇన్‌సైడ్‌స్పోర్ట్స్‌’తో బీసీసీఐ సీనియర్ అధికారి ఒకరు మాట్లాడుతూ.. “ఇవి ప్రారంభ రోజులు మాత్రమే. అతను నెట్స్‌లో బ్యాటింగ్ చేయడం విశేషం. అయితే పంత్ కి ఇంకా కొంత సమయం కావాలి. తన ఆత్మవిశ్వాసాన్ని తిరిగి పొందాలంటే దేశవాళీ క్రికెట్‌కు వెళ్లాలి. అంతా సవ్యంగా జరిగితే ఆఫ్ఘనిస్థాన్‌పై తిరిగి రావచ్చు. అయితే ఇంకా ఏదీ నిర్ణయించలేదు అని చెప్పారు.

Also Read: world cup 2023: భారత్ వర్సెస్ సౌతాఫ్రికా మ్యాచ్ కోసం భారీ ధరకు టికెట్స్

రిషబ్ పంత్ కు గతేడాది డిసెంబర్‌లో జరిగిన రోడ్డు ప్రమాదంలో తీవ్రగాయాలయ్యాయి. ఆ తర్వాత మోకాలికి శస్త్రచికిత్స జరిగింది. ఈ కారణంగా రిషబ్ ప్రపంచ కప్ 2023లో ఆడటం లేదు. కానీ శస్త్రచికిత్స తర్వాత పంత్ వేగంగా కోలుకుంటున్నాడు. డిసెంబర్‌లో భారత్‌ దక్షిణాఫ్రికాలో పర్యటించాల్సి ఉంది. పంత్ భారత క్రికెట్ జట్టుతో కలిసి ఆ పర్యటనకు వెళ్లడు కానీ వచ్చే ఏడాది జనవరిలో ఆఫ్ఘనిస్తాన్‌తో జరిగే సిరీస్ నుండి జట్టులోకి రావచ్చు. పంత్ చివరిసారిగా డిసెంబర్ 2022లో బంగ్లాదేశ్ పర్యటనలో ఆడాడు.

We’re now on WhatsApp. Click to Join.

త్వరలో భారత్‌లో దేశవాళీ క్రికెట్ సీజన్ ప్రారంభం కానుంది. రంజీ ట్రోఫీ కొత్త సీజన్ విజయ్ హజారేతో ప్రారంభం కానుంది. ఇటువంటి పరిస్థితిలో రిషబ్ పంత్ ఈ రెండు టోర్నమెంట్లలో ఏదైనా ఒకదానిలో పాల్గొనడం ద్వారా తన మ్యాచ్ ఫిట్‌నెస్‌ను పొందవచ్చు. ప్రతిదీ సరిగ్గా జరిగితే వచ్చే ఏడాది జనవరిలో ఆఫ్ఘనిస్తాన్‌తో జరిగే సిరీస్‌లో పంత్ భారత జట్టులోకి తిరిగి రావచ్చు. అది జరగకపోతే పంత్.. ఇంగ్లాండ్ లేదా IPL 2024తో జరిగే టెస్ట్ సిరీస్‌లో టటీమిండియాలోకి తిరిగి రావచ్చు.