Rishabh Pant: ఐసీసీ తాజాగా టెస్ట్ బ్యాటింగ్ ర్యాంకింగ్స్ జాబితాను విడుదల చేసింది. భారత క్రికెట్ జట్టు వికెట్ కీపర్ బ్యాట్స్మెన్ రిషబ్ పంత్ (Rishabh Pant) చాలా లాభపడ్డాడు. అంతేకాదు పంత్ చరిత్ర సృష్టించాడు. ప్రస్తుతం పంత్ ర్యాంకింగ్లో ఉన్న ఏకైక వికెట్ కీపర్, అతను టాప్-10లో ఉన్నాడు. దక్షిణాఫ్రికా టెస్టు కెప్టెన్ టెంబా బావుమా కూడా తన స్థానాలకు మెరుగుపర్చుకున్నాడు. సిడ్నీ టెస్టులో పంత్ కేవలం 31 బంతుల్లో 61 పరుగులతో పేలుడు ఇన్నింగ్స్ ఆడాడు. ఇది అతనికి ర్యాంకింగ్లో లాభపడింది. ఇకపోతే ఆస్ట్రేలియా వేదికగా జరిగిన బోర్డర్ గవాస్కర్ ట్రోఫీలో టీమిండియా 1-3తో ఆసీస్ చేతిలో ఓడిపోవడంతో టెస్టు ర్యాంకింగ్స్లో మూడో స్థానానికి పడిపోయింది.
పంత్ చరిత్ర సృష్టించాడు
ఐసీసీ టెస్టు బ్యాటింగ్ ర్యాంకింగ్స్ను విడుదల చేయగా రిషబ్ పంత్ 9వ స్థానంలో నిలిచాడు. పంత్ మూడు స్థానాలు ఎగబాకి 9వ స్థానానికి చేరుకున్నాడు. టాప్-10లో ఉన్న ఏకైక వికెట్ కీపర్ పంత్. టాప్-10లో పంత్తో పాటు ఏ వికెట్కీపర్కు చోటు దక్కలేదు. పంత్ 739 రేటింగ్తో 9వ స్థానంలో ఉన్నాడు. ఇదే సమయంలో దక్షిణాఫ్రికా కెప్టెన్ టెంబా బావుమా కూడా ర్యాంకింగ్లో పెద్ద ఎత్తున దూసుకెళ్లాడు. మూడు స్థానాలు ఎగబాకి 769 రేటింగ్తో ఆరో స్థానానికి చేరుకున్నాడు. బ్యాటింగ్ ర్యాంకింగ్స్లో జో రూట్ మొదటి స్థానంలో ఉన్నాడు. హ్యారీ బ్రూక్ రెండో స్థానంలో, కేన్ విలియమ్సన్ మూడో స్థానంలో, యశస్వి జైస్వాల్ నాలుగో స్థానంలో ఉన్నారు.
Also Read: Female Mosquitoes Vs Semen : రక్తం పీల్చే ఆడదోమలపైకి విష వీర్యంతో ఎటాక్.. సంచలన ప్రయోగం
బుమ్రా నంబర్-1
బౌలింగ్ టెస్ట్ ర్యాంకింగ్స్లో జస్ప్రీత్ బుమ్రా అగ్రస్థానంలో నిలిచాడు. బుమ్రాతో పాటు మరో భారత బౌలర్ మాత్రమే టాప్-10లో చోటు దక్కించుకున్నాడు. రవీంద్ర జడేజా 745 రేటింగ్తో 9వ స్థానంలో ఉన్నాడు. బుమ్రా 908 రేటింగ్తో మొదటి స్థానంలో ఉన్నాడు. పాట్ కమిన్స్ రెండో స్థానంలో, కగిసో రబడా మూడో స్థానంలో, జోష్ హేజిల్వుడ్ నాలుగో స్థానంలో, మార్కో జాన్సన్ 5వ స్థానంలో ఉన్నారు.