Rajasthan Royals: రాజస్థాన్ రాయల్స్ ఘన విజయం.. 12 ప‌రుగుల తేడాతో ఢిల్లీ ఓట‌మి..!

Safeimagekit Resized Img (1) 11zon

Rajasthan Royals: IPL 2024లో జైపూర్‌లోని సవాయ్ మాన్‌సింగ్ స్టేడియంలో గురువారం రాజస్థాన్ రాయల్స్ (Rajasthan Royals), ఢిల్లీ క్యాపిటల్స్ మధ్య అద్భుతమైన మ్యాచ్ జరిగింది. ఈ మ్యాచ్‌లో రాజస్థాన్ 12 పరుగుల తేడాతో విజయం సాధించింది. 185 పరుగుల లక్ష్యాన్ని ఛేదించేందుకు వ‌చ్చిన‌ ఢిల్లీ క్యాపిటల్స్ జట్టు 20 ఓవర్లలో 5 వికెట్లు కోల్పోయి 173 పరుగులు మాత్రమే చేయగలిగింది. ఢిల్లీ జ‌ట్టులో డేవిడ్ వార్నర్ అత్యధిక ఇన్నింగ్స్ 49 పరుగులు చేశాడు. ఇది కాకుండా స్టబ్స్ 23 బంతుల్లో 43 పరుగులతో అజేయ ఇన్నింగ్స్ ఆడినా జట్టును విజయతీరాలకు చేర్చలేకపోయాడు.

Also Read: Kadiyam Kavya: వ‌రంగ‌ల్‌లో బీఆర్ఎస్‌కు బిగ్ షాక్‌.. ఎంపీ ఎన్నిక‌ల నుంచి త‌ప్పుకున్న క‌డియం కావ్య‌

రాజస్థాన్ 185 పరుగులు చేసింది

ఈ మ్యాచ్‌లో టాస్ గెలిచిన ఢిల్లీ క్యాపిటల్స్.. ముందుగా బౌలింగ్ ఎంచుకుంది. ఈ మ్యాచ్‌లో తొలుత బ్యాటింగ్ చేసిన రాజస్థాన్ రాయల్స్ 20 ఓవర్లలో 5 వికెట్ల నష్టానికి 185 పరుగులు చేసింది. రాజస్థాన్ తరఫున బ్యాటింగ్ చేసిన రియాన్ పరాగ్ 45 బంతుల్లో 84 పరుగులతో అజేయంగా నిలిచాడు. పరాగ్ తన ఇన్నింగ్స్‌లో 6 సిక్సర్లు, 7 ఫోర్లు కొట్టాడు. పరాగ్‌తో పాటు ఆర్‌ అశ్విన్‌ 19 బంతుల్లో 29 పరుగులతో అద్భుత ఇన్నింగ్స్‌ ఆడాడు. అశ్విన్ తన ఇన్నింగ్స్‌లో మూడు అద్భుతమైన సిక్సర్లు కొట్టాడు. ధృవ్ జురెల్ 20 పరుగుల ఇన్నింగ్స్ ఆడగా, హెట్మెయర్ 14 పరుగులతో అజేయంగా నిలిచారు. ఇది కాకుండా ఢిల్లీ క్యాపిటల్స్‌కు చెందిన మొత్తం 5 మంది బౌలర్లు ఒక్కొక్కరు ఒక్కో వికెట్ తీశారు.

We’re now on WhatsApp : Click to Join