RCB Vs CSK: ఆర్సీబీ వ‌ర్సెస్ సీఎస్‌కే మ్యాచ్‌కు వ‌ర్షం ముప్పు..?

RCB Vs CSK

RCB Vs CSK: IPL 2024లో 68వ మ్యాచ్ రాయల్ ఛాలెంజర్స్ బెంగళూరు- చెన్నై సూపర్ కింగ్స్ (RCB Vs CSK) మధ్య జరగనుంది. బెంగళూరులోని చిన్నస్వామి క్రికెట్ స్టేడియంలో ఈ మ్యాచ్ జరగనుంది. ఈ ఒక్క మ్యాచ్‌పై చాలా ఆధారపడి ఉంటుంది. ఈ మ్యాచ్‌లో బెంగళూరు భారీ విజయం సాధిస్తే RCB ప్లేఆఫ్‌కు అర్హత సాధిస్తుంది. మరోవైపు ఈ మ్యాచ్‌లో గెలిస్తే చెన్నై కూడా క్వాలిఫై అవుతుంది. అయితే వాతావరణ శాఖ ఇచ్చిన సమాచారం ఆశ్చర్యం కలిగిస్తోంది. ఈ గ్రేట్ మ్యాచ్‌కు ముందు వర్షం కారణంగా ఈ మ్యాచ్ రద్దు చేయబడవచ్చని వాతావరణ శాఖ తెలిపింది.

వర్షం పడే అవకాశం 70 శాతం

మే 18న బెంగళూరు, చెన్నై మధ్య ఈ మ్యాచ్ జరగనుంది. ఈ ఎపిసోడ్‌లో వాతావరణ శాఖ ఇచ్చిన సమాచారంతో బెంగళూరు అభిమానులు టెన్షన్‌లో ఉన్నారు. ఆరోజు భారీ వర్షం కురిసే అవకాశం ఉందని, దాని కారణంగా మ్యాచ్‌కు అంత‌రాయం క‌లిగే అవ‌కాశం ఉందని IMD తెలిపింది. వాతావరణ శాఖ ప్రకారం.. ఈ రోజున ఆకాశం మేఘావృతమై ఉండే అవకాశం 99 శాతం కాగా, వర్షం పడే అవకాశం 70 శాతం. దీన్ని బట్టి గ్రేట్ మ్యాచ్ రద్దయ్యే అవకాశం చాలా ఎక్కువగా ఉందని స్పష్టమవుతోంది. ఇలాంటి పరిస్థితుల్లో వాతావరణ శాఖ ఆర్సీబీ అభిమానుల్లో టెన్షన్ పెంచింది. మరోవైపు, వాతావరణ శాఖ నుండి వచ్చిన అప్‌డేట్ చెన్నై సూపర్ కింగ్స్ అభిమానులలో ఆనందాన్ని నింపుతోంది.

Also Read: Sachin : సచిన్ సెక్యూరిటీ గార్డ్ ఆత్మహత్య

వర్షం వల్ల ఏ జట్టు లాభపడుతుంది..?

ఆర్‌సీబీ-చెన్నై జట్ల మధ్య జరగాల్సిన మ్యాచ్ వర్షం కారణంగా రద్దైతే.. దాని వల్ల చెన్నై సూపర్ కింగ్స్ లాభపడుతుంది. ప్రస్తుతం చెన్నై 13 మ్యాచ్‌ల్లో 7 గెలిచి 14 పాయింట్లతో పాయింట్ల పట్టికలో మూడో స్థానంలో ఉంది. మరోవైపు ఆర్‌సీబీ 13 మ్యాచ్‌ల్లో 6 మ్యాచ్‌లు గెలిచి పాయింట్ల పట్టికలో ఆరో స్థానంలో ఉంది. ఈ మ్యాచ్ రద్దైతే చెన్నై, బెంగళూరు జట్లకు ఒక్కో పాయింట్ దక్కుతుంది. ఇలాంటి పరిస్థితుల్లో చెన్నై 15 పాయింట్లతో ప్లేఆఫ్‌లోకి ప్రవేశించనుంది. మరోవైపు RCB 13 పాయింట్లను కలిగి ఉంటుంది. 13 పాయింట్ల‌తో ఆర్సీబీ జ‌ట్టు ప్లే ఆఫ్‌కు దూరంగా ఉండాల్సి ఉంటుంది.

We’re now on WhatsApp : Click to Join