Ashwin Earnings: అశ్విన్‌ సంపాదన అన్ని వందల కోట్లా?

Ashwin Earnings: గబ్బా టెస్టు డ్రా అయిన వెంటనే భారత క్రికెట్ అభిమానుల ముఖాల్లో ఆనందం వెల్లివిరిసింది. అయితే ఈ సంతోషం ఎంతోసేపు లేదు. మ్యాచ్ అనంతరం భారత వెటరన్ ఆఫ్ స్పిన్నర్ రవిచంద్రన్ అశ్విన్ విలేకరుల సమావేశానికి వచ్చాడు. వచ్చిన వెంటనే అంతర్జాతీయ క్రికెట్‌కు రిటైర్మెంట్ ప్రకటించాడు. తన తోటి ఆటగాళ్లకు, బీసీసీఐకి, అభిమానులకు ధన్యవాదాలు తెలిపాడు.

విలేకరుల సమావేశంలో అశ్విన్ (Ashwin Earnings) ఎలాంటి ప్రశ్నలకు సమాధానం ఇవ్వలేదు. అంతర్జాతీయ క్రికెట్‌లో అనిల్ కుంబ్లే తర్వాత అత్యధిక వికెట్లు తీసిన రెండో బౌలర్ అతనే. అశ్విన్ తన కెరీర్‌లో 287 మ్యాచ్‌లు ఆడి 379 ఇన్నింగ్స్‌లలో 765 వికెట్లు తీశాడు. టెస్టుల్లో అత్యధిక వికెట్లు తీసిన రెండో భారత బౌలర్‌గా కూడా నిలిచాడు. అతను 106 టెస్టుల్లో 200 ఇన్నింగ్స్‌ల్లో 537 వికెట్లు పడగొట్టాడు. అంతేకాదు అశ్విన్ టెస్టులో 3503 పరుగులు కూడా చేశాడు. ఈ ఫార్మాట్‌లో అతని పేరు మీద 14 హాఫ్ సెంచరీలు మరియు 6 సెంచరీలు ఉన్నాయి. 116 వన్డేల్లో 156 వికెట్లు సాధించాడు. వన్డేల్లో అశ్విన్ 1 హాఫ్ సెంచరీ సాయంతో 707 పరుగులు చేశాడు. ఇది కాకుండా అశ్విన్ 65 టీ20 ఇంటర్నేషనల్స్‌లో 72 వికెట్లు తీశాడు.

Also Read: Bandi Sanjay: కేంద్ర మంత్రి గడ్కరీకి బండి సంజయ్ వినతి

అశ్విన్ రిటైర్మెంట్ గురించి రోహిత్ శర్మను ప్రశ్నించారు. దీనిపై కెప్టెన్ మాట్లాడుతూ “కొన్ని నిర్ణయాలు వ్యక్తిగతమైనవి. జట్టు అతని నిర్ణయాన్ని గౌరవిస్తుందన్నాడు. ఇక అశ్విన్ నికర విలువ గురించి చెప్పాలంటే దాదాపు రూ.100 కోట్లు. విలాసవంతమైన ఇల్లుతో పాటు ఆడి, రోల్స్ రాయల్స్ వంటి అనేక విలాసవంతమైన కార్లు అతని వద్ద ఉన్నాయి. ఆయన ఇంటి ఖరీదు దాదాపు రూ.9 కోట్లు. అంతే కాకుండా వివిధ చోట్ల ఆస్తులు కూడా ఉన్నాయి. క్రికెట్‌తో పాటు ప్రకటనల ద్వారా కూడా బాగా సంపాదిస్తున్నాడు.