Mohammed Siraj Emotional: మహ్మద్ సిరాజ్ ఎమోషనల్ నోట్, ‘మిస్ యు పప్పా’ అంటూ భావోద్వేగం!

Journey Of Mohammed Siraj

బుధవారం వెల్లడించిన ఐసీసీ వన్డే ర్యాంకింగ్స్‌లో టీమిండియా పేసర్ మహ్మద్ సిరాజ్ మళ్లీ నంబర్ వన్ స్థానానికి చేరుకున్నాడు. ఆసియా కప్ 2023 ఫైనల్‌లో సిరాజ్ అద్భుతమైన 6/21తో ఆదివారం జరిగిన టైటిల్ పోరులో శ్రీలంకను 10 వికెట్ల తేడాతో ఓడించి భారత్‌ 8వ టైటిల్‌ ను గెలుచుకుంది. ఆసియా కప్ 2023లో అద్భుత ప్రదర్శనతో సిరాజ్ ర్యాంకింగ్స్‌లో నమ్మశక్యంకాని స్థానానికి చేరుకున్నాడు. టీమ్ ఇండియా మరియు రాయల్ ఛాలెంజర్స్ బెంగళూరు పేసర్ 2023 ఆసియా కప్‌లో 6 మ్యాచ్‌ల్లో 10 వికెట్లతో అత్యధిక వికెట్లు తీసిన రెండో బౌలర్‌గా నిలిచాడు.

సిరాజ్ మళ్లీ ప్రపంచ నంబర్ 1 వన్డే బౌలర్‌గా అవతరించిన రోజు, పేసర్ తన దివంగత తండ్రి కోసం ఇన్‌స్టాగ్రామ్‌లో భావోద్వేగ పోస్ట్ చేశాడు. ‘మిస్ యు పప్పా’ అనే సందేశంతో సిరాజ్ తన తండ్రి, తల్లి చిత్రాన్ని పోస్ట్ చేశాడు. ప్రస్తుతం పోస్ట్ సోషల్ మీడియాలో వైరల్‌గా మారింది.

సిరాజ్ తన తండ్రి మహమ్మద్ గౌస్‌ను రెండేళ్ల క్రితం కోల్పోయాడు. గౌస్ వయస్సు 53. 2021లో ఊపిరితిత్తుల వ్యాధి కారణంగా మరణించాడు. కానీ సిరాజ్ తన తండ్రి అంత్యక్రియలకు హాజరు కాలేకపోయాడు, ఎందుకంటే అతను ఆస్ట్రేలియాతో జరిగిన టెస్ట్ సిరీస్‌లో భారత బౌలింగ్ కు ప్రాతినిధ్యం వహించాడు.

Also Read: MLC Kavitha: బిల్లును స్వాగతిస్తూనే బీసీ మహిళలకు రిజర్వేషన్ల కోసం పోరాటం చేస్తాం: ఎమ్మెల్సీ కవిత