Former Mumbai Captain: రంజీ ట్రోఫీలో ముంబైకి కెప్టెన్‌గా వ్యవహరించిన మాజీ సెలెక్టర్ మిలింద్ రేగే (Former Mumbai Captain) బుధవారం గుండెపోటుతో మరణించాడు. మిల్లింగ్ రెగె తన 76వ ఏట తుది శ్వాస విడిచారు. మిలింద్ రేగే అనారోగ్యం కారణంగా బ్రీచ్ కాండీ ఆసుపత్రిలో చేరారు. ఆ తర్వాత అతను బుధవారం ఉదయం 6 గంటలకు మరణించిన‌ట్లు స‌న్నిహితులు పేర్కొన్నారు.
26 ఏళ్ల వయసులో గుండెపోటు వచ్చింది
మిలింద్ రేగే మృతితో క్రికెట్ ప్రపంచంలో విషాద ఛాయలు అలముకున్నాయి. నివేదిక ప్రకారం.. మాజీ వెటరన్ ఆల్ రౌండర్ ఒకసారి 26 సంవత్సరాల వయస్సులో గుండెపోటుకు గురయ్యాడు. అయితే ఆ తర్వాత మళ్లీ క్రికెట్ రంగంలోకి దిగాడు. ఆయనకు భార్య, ఇద్దరు కుమారులు ఉన్నారు.
Also Read: Honda Hornet 2.0: భారీ మార్పుతో హోండా బైక్.. ధర ఎంతంటే?
మిలింద్ రేగే క్రికెట్ కెరీర్
మిల్లింగ్ రేగేకు టీమ్ ఇండియాకు ఆడే అవకాశం రాలేదు. కానీ అతను ఫస్ట్ క్లాస్ క్రికెట్ ఆడాడు. మిలింద్ తన కెరీర్‌లో 52 ఫస్ట్ క్లాస్ మ్యాచ్‌లు ఆడాడు. బ్యాటింగ్‌లో 1532 పరుగులు చేశాడు. ఈ సమయంలో అతని అత్యుత్తమ స్కోరు 67 పరుగులు నాటౌట్. బ్యాటింగ్ కాకుండా మిలింద్ బౌలింగ్‌లో 126 వికెట్లు పడగొట్టాడు. బౌలింగ్‌లో 84 పరుగులకు 6 వికెట్లు పడగొట్టడం అతని అత్యుత్తమ ప్రదర్శన.
సంతాపం వ్యక్తం చేశారు
మిల్లింగ్ రేగే మృతి పట్ల మాజీ క్రికెటర్లు సంతాపం వ్యక్తం చేశారు. సచిన్ టెండూల్కర్ ట్వీట్ చేస్తూ.. మిలింద్ రేగే సార్ మరణం గురించి వినడానికి చాలా బాధగా ఉంది. అతను నిజమైన ముంబై క్రికెటర్. అతను నగర క్రికెట్‌కు భారీ సహకారం అందించాడు. అతను, ఇతర CCI సభ్యులు నాలోని సామర్థ్యాన్ని చూసి, CCI కోసం ఆడమని నన్ను అడిగారు. మిలింద్ మృతి తీర‌నిలోటు అని సచిన్ ట్వీట్ చేశారు.
టీమ్ ఇండియా మాజీ హెడ్ కోచ్ రవిశాస్త్రి ట్వీట్ చేస్తూ.. “ప్రియమైన స్నేహితుడు మిలింద్ రేగే మరణం గురించి వినడం చాలా బాధ కలిగించింది. ముంబైకి నిజమైన ఛాంపియన్. మిలింగ్‌ కుటుంబ సభ్యులకు ప్రగాఢ సానుభూతి. దేవుడు అతని ఆత్మను ఆశీర్వదిస్తాడు” అని పేర్కొన్నారు.