Rishabh Pant: ఐపీఎల్ 2025 తర్వాత టీమ్ ఇండియా ఇంగ్లండ్ పర్యటనకు వెళ్లనుంది. ఈ పర్యటనలో జూన్ నెలలో రెండు జట్ల మధ్య 5 మ్యాచ్‌ల టెస్ట్ సిరీస్ ఆడనుంది. ఈ సారి టీమ్ ఇండియా రోహిత్ శర్మ, విరాట్ కోహ్లీ లేకుండానే ఆడాల్సి ఉంటుంది. ఎందుకంటే ఈ ఇద్దరు దిగ్గజ ఆటగాళ్లు ఇప్పటికే టెస్ట్ క్రికెట్ నుండి రిటైర్ అయ్యారు. ఒకవైపు అభిమానులు ఈ పర్యటన కోసం టీమ్ ఇండియా స్క్వాడ్ కోసం ఎదురుచూస్తున్నారు. అయితే మరోవైపు భారత జట్టు కొంత ఆందోళనలో కనిపిస్తోంది. ఈ ఆందోళనకు కారణం టీమ్ ఇండియా కీల‌క ఆటగాడు ఐపీఎల్ 2025లో నిరంతరం విఫలమవడం.
రిష‌బ్ పంత్ టీమ్ ఇండియా ఆందోళనను పెంచాడు
పంత్ (Rishabh Pant) ఐపీఎల్ చరిత్రలో అత్యంత ఖరీదైన ఆటగాడు. ఈ సారి మెగా వేలంలో లక్నో సూపర్ జెయింట్స్ ఈ ఆటగాడిని 27 కోట్ల రూపాయలకు కొనుగోలు చేసింది. కానీ పంత్ ఇప్పటివరకు జట్టును, అభిమానులను తీవ్రంగా నిరాశపరిచాడు. ఈ సీజన్ మొత్తంలో పంత్ పూర్తిగా విఫలమయ్యాడు. ఐపీఎల్ 2025 తర్వాత టీమ్ ఇండియా ఇంగ్లండ్ పర్యటనకు వెళ్లనుంది. దీని కోసం త్వరలో టీమ్ ఇండియా ప్రకటన జరగవచ్చు. ఈ పర్యటనలో పంత్ టీమ్ ఇండియాలో స్థానం ఖాయం. ప్రస్తుతం టెస్ట్ క్రికెట్‌లో పంత్ టీమ్ ఇండియా అత్యంత నమ్మకమైన వికెట్ కీపర్ బ్యాట్స్‌మన్ పంతే. కానీ అతని దారుణమైన ప్రదర్శన సెలెక్టర్ల ఆందోళనను కూడా పెంచింది.
ఇండియా ఎ జట్టులో పంత్ ఎంపిక అవుతాడా?
భారత్ -ఇంగ్లండ్ మధ్య 5 మ్యాచ్‌ల టెస్ట్ సిరీస్ జూన్ 20 నుండి ప్రారంభమవుతుంది. కానీ అంతకుముందు ఇండియా ఎ జట్టు ఇంగ్లండ్ లయన్స్‌తో అనధికారిక టెస్ట్ మ్యాచ్‌లు ఆడాల్సి ఉంది. దీని కోసం బీసీసీఐ ఇండియా ఎ జట్టును కూడా ప్రకటించింది. ఇందులో శుభ్‌మన్ గిల్, సాయి సుదర్శన్ వంటి ఆటగాళ్లను ఎంపిక చేశారు. ఈ ఇద్దరు ఆటగాళ్ల ప్రదర్శన ఐపీఎల్ 2025లో ఇప్పటివరకు చాలా అద్భుతంగా ఉంది. అలాంటి పరిస్థితిలో పెద్ద ప్రశ్న ఏమిటంటే దారుణమైన ప్రదర్శన చేసిన పంత్‌ను ఇండియా ఎ జట్టులో ఎందుకు చేర్చలేదు? అనే సందేహం అంద‌రిలో నెల‌కొంది.
Also Read: Top 5 Biggest Fights: ఐపీఎల్ చరిత్రలో జరిగిన పెద్ద గొడ‌వ‌లు ఇవే.. కోహ్లీ రెండుసార్లు!
పంత్ ఈ రోజుల్లో బ్యాటింగ్‌లో చాలా ఇబ్బంది ప‌డుతున్నాడు. అలాంటి పరిస్థితిలో ఇంగ్లండ్ పరిస్థితులను అర్థం చేసుకోవడం పంత్‌కు చాలా అవసరం. పంత్ ఐపీఎల్ 2025 ప్రదర్శన గురించి మాట్లాడితే.. అతను 12 మ్యాచ్‌లలో ఇప్పటివరకు కేవలం 135 పరుగులు మాత్రమే చేశాడు. ఇందులో 1 అర్ధ సెంచరీ ఉంది. ఇంకా ఆస్ట్రేలియాతో జరిగిన మునుపటి టెస్ట్ సిరీస్‌లో కూడా పంత్ ప్రదర్శన చాలా నిరాశాజనకంగా ఉంది.