India vs Sri Lanka: బీసీసీఐని విశ్రాంతి కోరిన మ‌రో సినీయ‌ర్ ఆటగాడు.. ఎవ‌రంటే..?

India vs Sri Lanka: ప్రస్తుతం టీమిండియా శ్రీలంక (India vs Sri Lanka) పర్యటనకు వెళ్లనుంది. ఈ పర్యటనలో భారత జట్టు వన్డే, టీ20 సిరీస్‌లు ఆడనుంది. టీమిండియా కొత్త కోచ్ గౌతమ్ గంభీర్ కూడా ఈ సిరీస్ నుంచే తన ప్రస్థానాన్ని ప్రారంభించబోతున్నాడు. ఈ పర్యటనలో ODI, T20 సిరీస్‌లలో ఇద్దరు కొత్త కెప్టెన్‌లను చూసే అవ‌కాశం ఉంది. దీంతో పాటు టీమిండియా సీనియర్ ఆటగాళ్లు రోహిత్ శర్మ, విరాట్ కోహ్లీ, జస్ప్రీత్ బుమ్రాలకు ఈ టూర్ నుంచి విశ్రాంతి ఇవ్వనున్నారు. ఇదే సమయంలో ఈ పర్యటన నుండి టీమిండియాకు చెందిన మరో మ్యాచ్ విన్నింగ్ ఆటగాడు విశ్రాంతి కోరినట్లు నివేదికలు వస్తున్నాయి. ఇది జరిగితే కొత్త ప్రధాన కోచ్ గౌతమ్ గంభీర్ టెన్షన్ మరింత పెరిగే అవకాశం ఉంది.

హార్దిక్ పాండ్యా వన్డే సిరీస్ నుంచి విశ్రాంతి కోరాడు

ఓ వైపు శ్రీలంకతో వన్డే సిరీస్ నుంచి సీనియర్ ఆటగాళ్లు విశ్రాంతి తీసుకోకూడదని కొత్త ప్రధాన కోచ్ గౌతమ్ గంభీర్ కోరుతున్నాడు. మరోవైపు వన్డే సిరీస్ నుంచి విశ్రాంతి తీసుకుంటానని మ్యాచ్ విన్నింగ్ ప్లేయర్ తెలిపాడు. ఇండియన్ ఎక్స్‌ప్రెస్ కథనం ప్రకారం.. టీమిండియా స్టార్ ఆల్ రౌండర్ హార్దిక్ పాండ్యా బీసీసీఐకి సమాచారం ఇస్తూ వ్యక్తిగత కారణాల వల్ల శ్రీలంకతో వన్డే సిరీస్ నుంచి తనకు విశ్రాంతి అవసరమని చెప్పాడట‌. నిజానికి T20 ప్రపంచ కప్ 2024 తర్వాత రోహిత్ శర్మ, విరాట్ కోహ్లీ T20 అంతర్జాతీయ క్రికెట్ నుండి రిటైర్మెంట్ ప్రకటించిన విష‌యం తెలిసిందే. దీంతో వారికి బీసీసీఐ విశ్రాంతి ఇచ్చింది.

Also Read: MS Dhoni Invests: మ‌రో వ్యాపార రంగంలోకి టీమిండియా మాజీ కెప్టెన్ ఎంఎస్ ధోనీ..!

అయితే ఈ ఇద్దరు ఆటగాళ్లు వన్డే, టెస్టు క్రికెట్‌లో కొనసాగుతారు. విరాట్‌, రోహిత్‌ల‌కు శ్రీలంక పర్యటన నుండి విశ్రాంతి ఇచ్చారు. ఇలాంటి పరిస్థితుల్లో కోచ్ గౌతమ్ గంభీర్ హార్దిక్ పాండ్యాపైనే ఎక్కువ ఆశలు పెట్టుకున్నాడు. నివేదికల ప్రకారం.. శ్రీలంకతో జరిగే టి20 సిరీస్‌లో హార్దిక్ పాండ్యా టీమ్ ఇండియాకు కెప్టెన్‌గా వ్యవహరించడాన్ని చూడవచ్చు. అయితే ఇప్పుడు హార్దిక్ వన్డే సిరీస్‌లో ఆడటంపై సస్పెన్స్ కనిపిస్తోంది.

We’re now on WhatsApp. Click to Join.

3 మ్యాచ్‌ల వన్డే సిరీస్‌

శ్రీలంక పర్యటనకు వెళ్ల‌నున్న టీమిండియా మూడు వన్డేల సిరీస్‌ను ఆడనుంది. వన్డే సిరీస్ ఆగస్టు 3 నుంచి ప్రారంభం కాగా.. చివరి మ్యాచ్ ఆగస్టు 7న జరగనుంది. నివేదికల ప్రకారం.. శ్రీలంకతో వన్డే సిరీస్‌లో విరాట్ కోహ్లీ, జస్ప్రీత్ బుమ్రా ఆడవలసిందిగా గౌతమ్ గంభీర్ అభ్యర్థించాడు. వచ్చే ఏడాది జరిగే ఛాంపియన్స్ ట్రోఫీకి ముందు టీమిండియా సీనియర్ ఆటగాళ్లు అన్ని వన్డే సిరీస్‌లు ఆడాలని గంభీర్ కోరుతున్నాడు.