World Cup 2023: ఆస్ట్రేలియా స్టార్ ఓపెనర్ డేవిడ్ వార్నర్ అరుదైన రికార్డు సృష్టించాడు. 2023 ప్రపంచ కప్ లో తొలి మ్యాచ్ లో వేగంగా వెయ్యి పరుగులు పూర్తి చేసుకున్న ఆటగాడిగా కొత్త రికార్డు సృష్టించాడు. ప్రపంచకప్లో భాగంగా ఇండియాతో జరుగుతున్న మ్యాచ్లో వార్నర్ ఈ ఘనత సాధించాడు. వార్నర్ 19 ఇన్నింగ్స్ల్లో వెయ్యి పరుగులు పూర్తి చేసుకుని అతి తక్కువ ఇన్నింగ్స్లో ఈ ఘనత సాధించిన ఆటగాడిగా రికార్డు సృష్టించాడు. సచిన్ టెండూల్కర్, ఏబీ డివిలియర్స్ 20 ఇన్నింగ్స్ల్లో వెయ్యి పరుగులు పూర్తి చేయగా వార్నర్ కేవలం 19 ఇన్నింగ్స్ల్లోనే ఈ ఘనత సాధించి వారి పేరిట ఉన్న రికార్డును బద్దలు కొట్టాడు.హార్దిక్ పాండ్యా వేసిన ఇన్నింగ్స్ ఏడో ఓవర్లో స్ట్రెయిట్ డ్రైవ్తో బౌండరీతో వార్నర్ ఈ ఘనత సాధించాడు. కాగా ప్రపంచకప్లో వెయ్యికిపైగా పరుగులు చేసిన నాల్గవ ఆస్ట్రేలియా బ్యాట్స్మెన్గా నిలిచాడు. డేవిడ్ వార్నర్ తొలిసారిగా 2015లో వరల్డ్ కప్ ఆడాడు. ఆ టోర్నీకి ఆస్ట్రేలియా, న్యూజిలాండ్ సంయుక్తంగా ఆతిథ్యమివ్వగా, ఆస్ట్రేలియానే విజేతగా నిలిచింది. సొంతగడ్డపై జరిగిన ఆ వరల్డ్ కప్ లో వార్నర్ 8 మ్యాచ్ ల్లో 345 పరుగులు చేసి ఆసీస్ చాంపియన్ గా నిలవడంలో కీలకపాత్ర పోషించాడు.
Also Read: Mynampally : కల్వకుంట్ల ఫ్యామిలీ కోట్లు దోచుకున్నారు తప్ప మెదక్ ను అభివృద్ధి చేయాలే – మైనంపల్లి