Devon Conway: IPL 2024కి ముందు చెన్నై సూపర్ కింగ్స్కు భారీ షాక్ తగలవచ్చు. CSK ఓపెనింగ్ బ్యాట్స్మెన్ డెవాన్ కాన్వే (Devon Conway) గాయపడ్డాడు. అతని బొటనవేలికి గాయమైనట్లు సమాచారం. గాయం చాలా తీవ్రంగా ఉంది. అతను రాబోయే ఆస్ట్రేలియా-న్యూజిలాండ్ టెస్ట్ జట్టు నుండి దూరంగా ఉండవచ్చు. అటువంటి పరిస్థితిలో ఒక నెలలోపు ప్రారంభం కానున్న IPL 2024 ప్రారంభ మ్యాచ్లలో చెన్నై ఫ్రాంచైజీకి కాన్వే లభ్యతపై సందేహాల మేఘాలు కమ్ముకుంటున్నాయి.
ఐపీఎల్ 2024 ప్రారంభానికి ఇంకా ఒక నెల సమయం కూడా లేదు. కొత్త సీజన్ మార్చి 22న ప్రారంభం కానుంది. తొలి మ్యాచ్ చెన్నై సూపర్ కింగ్స్, ఆర్సీబీ మధ్య జరగనుంది. ఈ మ్యాచ్లో డెవాన్ అందుబాటులో ఉంటాడా లేదా అనేది అతడు కోలుకోవడంపై ఆధారపడి ఉంటుంది.
Also Read: New Criminal Laws : కొత్త క్రిమినల్ చట్టాల అమలుకు డేట్ ఫిక్స్
వికెట్ కీపింగ్ సమయంలో గాయం
ఆస్ట్రేలియాతో జరుగుతున్న టీ20 సిరీస్లోని రెండో మ్యాచ్లో ఈ న్యూజిలాండ్ వికెట్ కీపర్ బ్యాట్స్మెన్ గాయపడ్డాడు. మ్యాచ్ రెండో ఓవర్లో వికెట్ వెనుక ఆడమ్ మిల్నే వేసిన బంతిని క్యాచ్ చేస్తూ బొటన వేలికి గాయమైంది. ఆ తర్వాత మైదానం వీడాల్సి వచ్చింది. తర్వాత బ్యాటింగ్కు కూడా రాలేకపోయాడు. ఇప్పుడు కాన్వే గాయం కాస్త తీవ్రంగా ఉందని, ఆస్ట్రేలియాతో జరిగే చివరి టీ20 మ్యాచ్ ఆడడని న్యూజిలాండ్ నుంచి వార్తలు వస్తున్నాయి. టెస్టు సిరీస్కు కూడా దూరమయ్యే అవకాశాలున్నాయి.
కాన్వే ఎక్స్-రే నివేదిక అతని ఎడమ చేతి బొటనవేలులో ఫ్రాక్చర్ అయినట్లు వెల్లడించింది. దీనికి సంబంధించి స్పెషలిస్ట్ను సంప్రదించిన తర్వాతే అతను త్వరలో క్రికెట్లోకి వస్తాడు. అయితే కాన్వే త్వరగా కోలుకుని ఆస్ట్రేలియాతో జరిగే టెస్టు సిరీస్కు అందుబాటులో ఉంటాడని న్యూజిలాండ్ కోచ్ గ్యారీ స్టెడ్ ఆశాభావం వ్యక్తం చేశాడు.
We’re now on WhatsApp : Click to Join