Harry Brook: ఇంగ్లాండ్ బ్యాట్స్‌మెన్ హ్యారీ బ్రూక్ (Harry Brook) ఐపీఎల్ 2025 నుండి తన పేరును ఉపసంహరించుకున్నాడు. దీంతో అతను తన ఐపీఎల్ నుంచి నిషేధానికి గురయ్యాడు. మెగా వేలంలో ఢిల్లీ క్యాపిటల్స్ జట్టు రూ.6.25 కోట్లకు హ్యారీ బ్రూక్‌ను కొనుగోలు చేసింది. గత సీజన్‌లో కూడా బ్రూక్ తన పేరును టోర్నమెంట్ నుండి ఉపసంహరించుకున్నాడు. IPL 2025 సీజన్ ప్రారంభానికి ముందు BCCI అనేక నియమాలను రూపొందించింది. ఇందులో వేలంలో ఎంపికైన ఆటగాళ్లు సరైన కారణం లేకుండా తమ పేర్లను ఉపసంహరించుకుంటే వారిపై 2 సీజన్ల నిషేధం విధించబడుతుంది. అతను ఐపీఎల్ 2025, 2026లో ఐపీఎల్ ఆడ‌లేడు.
ఐపీఎల్ 2025కి ముందే హ్యారీ బ్రూక్ తన పేరును ఉపసంహరించుకున్నాడు. హ్యారీ కూడా గత సీజన్‌లో ఢిల్లీ క్యాపిటల్స్‌లో భాగమయ్యాడు. కానీ ఇంగ్లండ్ క్రికెట్‌లో బిజీ షెడ్యూల్ కారణంగా అతను ఐపీఎల్ నుంచి దూరం కావాల‌ని నిర్ణయించుకున్నాడు. ఒక నివేదిక ప్రకారం.. హ్యారీ బ్రూక్ IPL తదుపరి సీజన్‌లో కూడా ఆడ‌లేడు.
Also Read: Holi : హోలీ వచ్చిందంటే..ఆ గ్రామంలో మగవారు చీరలు కట్టుకోవాల్సిందే
హ్యారీ బ్రూక్‌కు 2025 సంవత్సరం ప్రత్యేకంగా ఏమీ లేదు. అతను 5 టీ20 మ్యాచ్‌ల్లో 1 అర్ధ సెంచరీ సహాయంతో 91 పరుగులు మాత్రమే చేశాడు. అదే వన్డే క్రికెట్‌లో 6 మ్యాచ్‌ల్లో 97 పరుగులు మాత్రమే వచ్చాయి. అతను ఛాంపియన్స్ ట్రోఫీ 2025లో కూడా ఫ్లాప్ అయ్యాడు. హ్యారీ బ్రూక్ ఐపీఎల్ చరిత్రలో కేవలం 1 సీజన్‌లో మాత్రమే పాల్గొన్నాడు. ఇందులో అతను సన్‌రైజర్స్ హైదరాబాద్ తరపున ఆడాడు. హ్యారీ 11 మ్యాచ్‌ల్లో 1 సెంచరీ సాయంతో 190 పరుగులు చేశాడు.
వచ్చే ఐపీఎల్ సీజన్ నుంచి తన పేరును ఉపసంహరించుకున్నందుకు ఇంగ్లండ్ స్టార్ బ్యాట్స్‌మెన్ హ్యారీ బ్రూక్‌పై రెండేళ్ల నిషేధం పడింది. గతేడాది జరిగిన మెగా వేలంలో హ్యారీ బ్రూక్‌ను ఢిల్లీ క్యాపిటల్స్ రూ.6.25 కోట్లకు కొనుగోలు చేసింది. ఇంగ్లండ్ దేశవాళీ సీజన్‌పై దృష్టి సారించేందుకు బ్రూక్ ఈ నిర్ణయం తీసుకున్నాడు. ఛాంపియన్స్ ట్రోఫీలో ఇంగ్లండ్ జట్టు చాలా పేలవ ప్రదర్శన చేసింది. ఇంగ్లండ్ బ్యాట్స్‌మెన్ హ్యారీ తాను అందుబాటులో ఉన్నట్లు ప్రకటించినప్పటికీ అతను IPL 2025, IPL 2026లో పాల్గొనలేడు.