AB De Villiers: ఏబీ డివిలియ‌ర్స్ ఈజ్ బ్యాక్‌.. ఆ టోర్నీలోకి ఎంట్రీ!

AB De Villiers: దక్షిణాఫ్రికా దిగ్గజ క్రికెటర్లలో ఒకరైన ఏబీ డివిలియర్స్ (AB De Villiers) దాదాపు నాలుగేళ్ల తర్వాత మళ్లీ క్రికెట్‌లోకి వచ్చేందుకు సిద్ధమయ్యాడు. ‘మిస్టర్ 360’గా ప్రసిద్ధి చెందిన డివిలియర్స్ 2018లో అంతర్జాతీయ క్రికెట్‌కు గుడ్ బై చెప్పిన విష‌యం తెలిసిందే. అయితే డివిలియర్స్ తిరిగి రావడానికి ప్రస్తుతం ఆరు నెలల సమయం ఉంది. ఈ జూలైలో వరల్డ్ ఛాంపియన్‌షిప్ ఆఫ్ లెజెండ్స్ (WCL) రెండవ సీజన్‌లో దక్షిణాఫ్రికా ఛాంపియన్స్‌కు డివిలియ‌ర్స్‌ ఆడనున్నాడు.

రిటైర్మెంట్ సమయంలో తన కుటుంబంతో ఎక్కువ సమయం గడపాలని కోరుకుంటున్నానని, అందుకే క్రికెట్ నుండి రిటైర్ అవుతున్నానని డివిలియ‌ర్స్ ప్ర‌క‌టించాడు. గతేడాది దక్షిణాఫ్రికా తరఫున టెస్టు, వన్డే, టీ-20 ఇంటర్నేషనల్‌లో 20 వేలకు పైగా పరుగులు చేసిన డివిలియర్స్‌ను ఐసీసీ హాల్ ఆఫ్ ఫేమ్‌లో చేర్చారు.

డివిలియర్స్ చివరిసారిగా 2021లో క్రికెట్ ఆడాడు

మాజీ సౌతాఫ్రికా కెప్టెన్ 2018 నుండి ఇండియన్ ప్రీమియర్ లీగ్‌లో రాయల్ ఛాలెంజర్స్ బెంగళూరు కోసం ప్రత్యేకంగా ఆడాడు. అయితే 2021లో అన్ని రకాల క్రికెట్‌ నుండి రిటైర్ అయ్యాడు. దాంతో డివిలియ‌ర్స్‌ అద్భుతమైన కెరీర్‌కు ముగింపు పలికాడు. అతను IPLలో 170 మ్యాచ్‌లలో 40 సగటుతో 5162 పరుగులు చేశాడు. ఇందులో మూడు సెంచరీలు, 40 అర్ధ సెంచరీలు ఉన్నాయి.

WCL కోసం డివిలియర్స్ సిద్ధంగా ఉన్నాను

డివిలియర్స్ రిటైర్మెంట్ నుండి తిరిగి రావడం గురించి ఒక ప్రకటనలో ఇలా పేర్కొన్నాడు. నాలుగేళ్ల క్రితం నేను ఇకపై ఆడాలనే కోరిక లేనందున అన్ని రకాల క్రికెట్ నుండి రిటైర్ అయ్యాను. సమయం గడిచిపోయింది. నా చిన్న కొడుకులు ఆట ఆడటం ప్రారంభించారు. మేము గ్రౌండ్‌లో ఎక్కువ సమయం గడుపుతున్నాము. జూలైలో WCLతో క్రికెట్‌లోకి తిరిగి వస్తాను అని పేర్కొన్నాడు.

Also Read: Emergency Ticket System : ‘ఐఆర్‌సీటీసీ‌’లో ఎమర్జెన్సీ టికెట్ సిస్టమ్‌పై వివాదం.. ఏజెంట్ల దందా

అంతర్జాతీయ క్రికెట్‌లో ఏబీ డివిలియర్స్ ఎన్నో రికార్డులు సృష్టించాడు. డివిలియర్స్ 191 టెస్ట్ ఇన్నింగ్స్‌లలో 50.66 సగటుతో 8765 పరుగులు చేశాడు. ఇందులో 22 సెంచరీలు, 46 అర్ధ సెంచరీలు ఉన్నాయి. అతను 218 వన్డే ఇన్నింగ్స్‌లలో 53.50 సగటుతో 9577 పరుగులు చేశాడు. వ‌న్డేల్లో 25 సెంచరీలు, 53 హాఫ్ సెంచరీలు కూడా ఉన‌నాయి. 75 టీ20 ఇన్నింగ్స్‌లలో 26.12 సగటుతో 1672 పరుగులు చేశాడు.