Indian Cricketers: ఈ ఏడాది పెళ్లి చేసుకున్న టీమిండియా ఆటగాళ్లు ఎవరంటే..?

Indian Cricketers: ఈ సంవత్సరం మొత్తం ఏడుగురు భారతీయ క్రికెటర్లు (Indian Cricketers) వివాహం చేసుకున్నారు. అందులో ఇటీవల వివాహం చేసుకుంది ఫాస్ట్ బౌలర్ ముఖేష్ కుమార్. భారత జట్టు స్టార్ వికెట్ కీపర్ బ్యాట్స్‌మెన్ KL రాహుల్ జనవరి 23, 2023న బాలీవుడ్ నటి అథియా శెట్టిని వివాహం చేసుకున్నాడు. అథియా శెట్టి ప్రముఖ బాలీవుడ్ నటుడు సునీల్ శెట్టి కుమార్తె అన్న విషయం అందరికి తెలిసిందే. వీరి వివాహం చాలా గ్రాండ్ గా జరిగింది. భారత ఫాస్ట్ బౌలర్ శార్దూల్ ఠాకూర్ ఫిబ్రవరి 27, 2023న మిథాలీ పారుల్కర్‌ను వివాహం చేసుకున్నాడు. పెళ్లికి ముందు శార్దూల్ 2021లో నిశ్చితార్థం చేసుకున్నారు.

భారత జట్టు బ్యాట్స్‌మెన్ రుతురాజ్ గైక్వాడ్ జనవరి 3, 2023న ఉత్కర్ష పవార్‌ని వివాహం చేసుకున్నాడు. ఉత్కర్ష కూడా ఒక క్రికెటర్. ఆమె మహారాష్ట్ర తరపున దేశవాళీ క్రికెట్ ఆడుతుంది. భారత ఫాస్ట్ బౌలర్ ప్రసిద్ధ్ కృష్ణ జూన్ 08, 2023న రచనను వివాహం చేసుకున్నాడు. గాయం కారణంగా జట్టుకు దూరమైన సమయంలో కృష్ణ పెళ్లి చేసుకున్నాడు. భారత పేసర్ ముఖేష్ కుమార్ ఇటీవల నవంబర్ 28న వివాహం చేసుకున్నాడు. ముఖేష్ దివ్య సింగ్‌ని పెళ్లాడాడు.

Also Read: U19 Cricket World Cup: మరో వరల్డ్ కప్ షురూ.. జనవరి 19 నుంచి పురుషుల అండర్-19 ప్రపంచకప్..!

చాలా కాలం పాటు జట్టుకు దూరంగా ఉన్న ఫాస్ట్ బౌలర్ నవదీప్ సైనీ కూడా నవంబర్ 24, 2023న వివాహం చేసుకున్నాడు. తన స్నేహితురాలు స్వాతి ఆస్థానాను పెళ్లి చేసుకున్నాడు. భారతదేశం కోసం మూడు ఫార్మాట్లలో ఆడే స్టార్ ఆల్ రౌండర్ అక్షర్ పటేల్ కూడా జనవరి 27, 2023న తన స్నేహితురాలు మేహా పటేల్‌ను వివాహం చేసుకున్నాడు. వారిద్దరూ వడోదరలో పెళ్లి చేసుకున్నారు.

We’re now on WhatsApp. Click to Join.