Shocking : దేశవ్యాప్తంగా మహిళా సెక్స్ వర్కర్ల సంఖ్యపై తాజాగా వెలువడిన గణాంకాల్లో తెలుగు రాష్ట్రాలు ప్రాముఖ్యంగా నిలిచాయి. మహిళా సెక్స్ వర్కర్ల అత్యధిక సంఖ్య ఉన్న రాష్ట్రాల జాబితాలో ఆంధ్రప్రదేశ్‌ రెండో స్థానంలో ఉండగా, తెలంగాణ ఐదో స్థానంలో నిలిచింది. ఈ గణాంకాలు కేంద్ర ప్రభుత్వానికి అనుసంధానంగా నిర్వహించిన అధ్యయనాల్లో వెలుగులోకి వచ్చాయి. దేశవ్యాప్తంగా నమోదైన మొత్తం మహిళా సెక్స్ వర్కర్లలో ఏకంగా 12 శాతం మంది ఆంధ్రప్రదేశ్‌కు చెందినవారిగా గుర్తించారు. ఇది దేశంలో రెండో అత్యధిక శాతంగా నమోదైంది. ఈ గణాంకాలు రాష్ట్రంలో వాణిజ్య లైంగిక కార్యకలాపాలు ఏ మేరకు విస్తరించాయో స్పష్టం చేస్తున్నాయి.
CBI : IRS ఇంట్లో రూ.కోటి నగదు, 3.5 కేజీల గోల్డ్
ఇక తెలంగాణ రాష్ట్రం 7.6 శాతం మహిళా సెక్స్ వర్కర్లతో ఐదో స్థానంలో ఉంది. ముంబై, కోల్‌కతా, బెంగళూరు వంటి పెద్ద పట్టణాలతో పోటీగా తెలుగు రాష్ట్రాల్లో లైంగిక వృత్తిలో పాల్గొంటున్న మహిళల సంఖ్య పెరుగుతుండటం మానవ హక్కుల వర్గాలను ఆందోళనకు గురిచేస్తోంది. వలసలు, ఆర్థిక అసమానతలు, నిరుద్యోగం, సామాజిక పరిస్థితులు లైంగిక వృత్తిలోకి మహిళలను నెట్టివేస్తున్న కారణాలుగా నిపుణులు చెబుతున్నారు. శాశ్వత ఉపాధి లేకపోవడం, కుటుంబ పోషణ భారమూ మహిళలను ఈ మార్గాన్ని ఎంచుకోవడానికి దోహదపడుతున్నట్లు తాజా అధ్యయనాలు వెల్లడించాయి.
ఈ గణాంకాలు వెలుగులోకి రావడంతో మహిళల భద్రత, పునరావాసం, , జీవనోపాధి అవకాశాలపై ప్రభుత్వం ప్రత్యేక దృష్టి పెట్టాల్సిన అవసరం కనిపిస్తోంది. లైంగిక వృత్తి మహిళలపై మానసిక, శారీరక హింసను పెంచే ప్రమాదం ఉండడంతో, వీరికి ఆర్థిక సహాయంతో పాటు శిక్షణ, విద్య, ఉపాధి అవకాశాలు కల్పించాల్సిన అవసరం ఉందని నిపుణులు సూచిస్తున్నారు.