Tomato-Rs100 : సెంచరీ దిశగా టమాటా.. సామాన్యులకు దడ

Tomato Rs100

Tomato-Rs100 : టమాటా రేట్ల పెరుగుదల ఆగడం లేదు.. 

దేశంలోని కొన్ని రాష్ట్రాల్లో రూ.100 దిశగా టమాటా రేట్లు పరుగు తీస్తున్నాయి.. 

త్వరలో తెలంగాణ, ఏపీ, ఢిల్లీ, కర్ణాటకలలో కేజీ టమాటా ధర రూ.100కు చేరొచ్చని భావిస్తున్నారు.. 

గత వారం రోజుల వ్యవధిలో ఢిల్లీలోని ఆజాద్‌పూర్ మార్కెట్‌లో టమాటా ధరలు డబుల్ అయ్యాయి. ఇప్పుడు అక్కడ కేజీ టమాటాను రూ.80కి అమ్ముతున్నారు. 15 కేజీల హోల్ సేల్  టమాటా పెట్టెను రూ.1100కి సేల్ చేస్తున్నారు.  అంటే హోల్ సేల్ రేటే రూ.75కు పైబడి ఉంది. దాన్ని రీటైల్ వ్యాపారులు రవాణా ఖర్చులు, తరుగు, లాభం కలుపుకొని రూ.80 నుంచి రూ.85 దాకా సాధారణ వినియోగదారులకు అమ్ముతున్నారు. మార్కెట్ కు టమాటా సప్లై తక్కువగా ఉన్నందున రానున్న రోజుల్లో టమాటా రేటు రెక్కలు తొడిగే ఛాన్స్ ఉందని అంచనా వేస్తున్నారు. దేశ రాజధాని ఢిల్లీలో టమాటా ధరలు ఆకాశాన్ని అంటడానికి కారణం హర్యానా, ఉత్తరప్రదేశ్‌ సహా పలు పొరుగు రాష్ట్రాల నుంచి టమాటా సప్లై తగ్గిపోవడమే!!

తెలంగాణలో కూడా టమాట ధర సెంచరీ(Tomato-Rs100) దిశగా వెళ్తోంది. రాష్ట్రంలో టమాటా సాగు పెద్దగా లేకపోవడంతో ఏపీలోని చిత్తూరు, మదనపల్లె, మహారాష్ట్రలోని ఔరంగాబాద్‌ నుంచి ఇక్కడకు వ్యాపారులు తెచ్చుకుంటున్నారు. ఇటీవల కాలంలో  రవాణా ఛార్జీలు కూడా అధికం కావడంతో ధరలు పెరుగుతున్నాయని వ్యాపారులు చెబుతున్నారు. మరికొద్దిరోజుల పాటు ధరలు ఇలాగే కొనసాగే అవకాశముందని అంటున్నారు. పంట దిగుబడి పెరిగితే ధరలు తగ్గే అవకాశం ఉంటుందని అంటున్నారు. ఇప్పుడు ధరలు పెగడంతో చాలామంది కూరల్లో టమాటా వాడటం మానేసే పరిస్థితి వచ్చింది.