Car Fire: కారు బోల్తా..మంటల్లో చిక్కుకున్న సాఫ్ట్‌వేర్‌ ఇంజినీర్స్

Car Fire: ఉత్తర ప్రదేశ్ లో కారు అగ్నికి ఆహుతి అయింది. కొత్వాలీ సెక్టార్-39 ప్రాంతంలో హాజీపూర్‌లో ఉన్న యూ-టర్న్ డివైడర్‌ను కారు ఢీకొని బోల్తా పడింది. ఆ వెంటనే మంటలు చెలరేగాయి. కారులో ప్రయాణిస్తున్న ఇంజనీర్‌తో సహా ఇద్దరు స్నేహితులు మంటల్లో తీవ్రంగా గాయపNడ్డారు. స్థానికులు వారిని ఎలాగోలా కారులోంచి బయటకు తీసి ఆస్పత్రికి తరలించారు. సమాచారం అందుకున్న అగ్నిమాపక సిబ్బంది సహాయక చర్యలు చేపట్టింది. ఈ ప్రమాదంలో కారు పూర్తిగా కాలిపోయింది. ముజఫర్‌నగర్‌కు చెందిన వైభవ్‌ త్యాగి ముంబైలోని ఓ ఐటీ కంపెనీలో సాఫ్ట్‌వేర్‌ ఇంజనీర్‌గా పనిచేస్తున్నాడు. ఈ అర్థరాత్రి వైభవ్ తన స్నేహితుడు వినయ్‌తో కలిసి ఐ-20 కారులో ఫరీదాబాద్ నుంచి నోయిడాకు వస్తున్నాడని అతని తండ్రి విపిన్ త్యాగి తెలిపారు.

పోలీసులు తెలిపిన వివరాల ప్రకారం ఇద్దరికి తీవ్ర గాయాలయ్యాయి. ఘటనాస్థలికి సంబంధించిన సీసీటీవీ ఫుటేజీని పోలీసులు పరిశీలిస్తున్నారు.

Read More: Mamata Banerjee Injured: సీఎం మ‌మ‌తా హెలికాప్ట‌ర్ అత్య‌వ‌స‌ర ల్యాండింగ్ .. మోకాలికి గాయం