Worlds Largest Kidney Stone : శ్రీలంక ఆర్మీ వైద్యులు కొత్త రికార్డు సృష్టించారు. ప్రపంచంలోనే అతిపెద్ద కిడ్నీ రాయిని సర్జరీ చేసి తొలగించారు. రాజధాని కొలంబోలోని ఆర్మీ హాస్పిటల్లో ఈ నెల ప్రారంభంలో జరిగిన కిడ్నీ సర్జరీలో 13.372 సెంటీమీటర్ల పొడవు, 801 గ్రాముల బరువున్న రాయిని కిడ్నీ నుంచి తీశారు. ఈవిషయాన్నిశ్రీలంక ఆర్మీ ఓ ప్రకటనలో తెలిపింది. ఈ రికార్డును గిన్నిస్ వరల్డ్ రికార్డ్ కూడా ధృవీకరించింది. “13.372 సెం.మీ (5.264 అంగుళాలు) అతిపెద్ద కిడ్నీ స్టోన్ ను(Worlds Largest Kidney Stone) జూన్ 1 కొలంబోలోని కానిస్టస్ కూంఘే లో ఉన్న ఆస్పత్రిలో తొలగించారు” అని వెల్లడించింది.
Also read : Kidney Stones: కిడ్నీలో రాళ్లను కరిగించే 7 రకాల పానీయాలు.. అవేంటంటే?
కన్సల్టెంట్ యూరాలజిస్ట్ లెఫ్టినెంట్ కల్నల్ (డా) కె. సుతర్షన్, హాస్పిటల్లోని జెనిటో యూరినరీ యూనిట్ హెడ్, కెప్టెన్ (డా) డబ్ల్యుపిఎస్సి పతిరత్న, డాక్టర్ థమాషా ప్రేమతిలక కలిసి ఈ సర్జరీ నిర్వహించారని తెలిపింది. ఇంతకుముందు 2004లో ప్రపంచంలోనే అతి పెద్ద కిడ్నీ రాయిని( దాదాపు 13 సెంటీమీటర్లు) ఇండియాలో సర్జరీ ద్వారా తొలగించారు. అయితే అత్యంత బరువున్న (620 గ్రాముల) కిడ్నీ రాయిని 2008లో పాకిస్థాన్లో సర్జరీ చేసి తొలగించారు.