శ్రీరామ నవమి సందర్భంగా తెలంగాణ ఆర్టీసీ హైదరాబాద్‌ నుంచి భద్రాచలానికి శని, ఆదివారాల్లో ప్రత్యేక బస్సులను నడుపుతున్నట్లు తెలిపింది. భక్తుల కోసం సాధారణ సర్వీసులతో పాటు 70 ప్రత్యేక బస్సులు నడపనున్నారు. ఈ బస్సులు ఎల్‌బి నగర్, ఎంజిబిఎస్ స్టేషన్ల నుండి నడుస్తాయని ఆర్టీసీ అధికారులు తెలిపారు. రిజర్వేషన్ కౌంటర్లలో టిక్కెట్లు అందుబాటులో ఉంటాయని… అవసరమైతే బస్సుల సంఖ్యను పెంచుతామని అధికారులు తెలిపారు. కాగా భద్రాద్రి సీతా రామచంద్రస్వామి దేవస్థానం ఇప్పటికే కార్యక్రమాల టిక్కెట్ల విక్రయాన్ని ప్రారంభించింది. ఆదివారం కల్యాణోత్సవం, సోమవారం మహా పట్టాభిషేకం నిర్వహించనున్నారు. పెద్ద సంఖ్యలో భక్తులు బస చేసేందుకు బహిరంగ ప్రదేశంలో ఉత్సవాలు జరగనున్నాయి. గర్భిణులు, వృద్ధుల కోసం ప్రత్యేక క్యూ లైన్‌ ఏర్పాటు చేస్తారు.
శ్రీరామ నవమి సందర్భంగా #Hyderabad నుంచి భద్రాచలానికి #TSRTC 70 ప్రత్యేక బస్సులు నడుపుతోంది. వేడుకల్లో పాల్గొనేందుకు వెళ్లే భక్తుల కోసం 9, 10 తేదీల్లో రెగ్యులర్‌ సర్వీసులకు అదనంగా 70 స్పెషల్ సర్వీసులు నడుపుతున్నట్లు తెలిపారు.
@tsrtcmdoffice— AIR News Hyderabad (@airnews_hyd) April 9, 2022