Ukraine-Russia War : ప్రపంచం మొత్తం క్రిస్మస్ వేడుకల్లో మునిగిపోయిన సందర్భంలో, ఉక్రెయిన్‌పై రష్యా భారీ దాడి చేసింది. ఈ దాడిలో ఉక్రెయిన్‌లోని ఇంధన మౌలిక సదుపాయాలు, ముఖ్యంగా థర్మల్ పవర్ ప్లాంట్, తీవ్రంగా దెబ్బతిన్నట్లు తెలుస్తోంది. రష్యా క్షిపణి దాడి కారణంగా ప్రజలు భయంతో మెట్రో స్టేషన్లలో తలదాచుకున్నారు. రష్యా ప్రభుత్వం ఈ దాడిని అంగీకరించి, క్రిస్మస్ రోజున తమ దాడి విజయవంతమైందని ప్రకటించింది.
ఉక్రెయిన్ అధ్యక్షుడు వోలోదిమిర్ జెలెన్స్కీ ఈ దాడిని ఖండిస్తూ, రష్యా 70కి పైగా క్షిపణులను ప్రయోగించి, 100కి పైగా డ్రోన్‌లను ఉపయోగించిందని వెల్లడించారు. ఈ దాడి ఉక్రెయిన్‌పై ఉద్దేశపూర్వకంగా జరిగిందని, క్రిస్మస్ రోజు ఎందుకు ఎంచుకున్నారని ఆయన మండిపడ్డారు. ఆయన మాట్లాడుతూ, రష్యా ఉక్రెయిన్‌లో శక్తి మౌలిక సదుపాయాలను లక్ష్యంగా చేసుకొని భారీ దాడులు జరిపింది. అయితే, ఉక్రెయిన్ సైనికులు 50కి పైగా క్షిపణులను, అలాగే భారీ సంఖ్యలో డ్రోన్‌లను కూల్చివేయడంలో విజయం సాధించారని చెప్పారు.
Tsunami 20 Years : 20 ఏళ్ల క్రితం ఏపీని వణికించిన సునామీ.. 14 దేశాలకు వణుకు
జెలెన్స్కీ ఈ దాడిని “ఊహించని దాడి” కాకుండా, ఇది రష్యా ఉద్దేశపూర్వకంగా చేసిన చర్య అని స్పష్టం చేశారు. ఈ సమయంలో, రష్యా చేసిన దాడులు కేవలం లక్ష్యాలను మాత్రమే కాకుండా, సమయాన్ని, తేదీని కూడా పరిగణలోకి తీసుకుని ఉద్దేశపూర్వకంగా అనుసరించబడ్డాయని చెప్పారు.
అలాగే, రష్యా చేస్తున్న ఈ దాడులు, ఉక్రెయిన్‌ను విచ్ఛిన్నం చేయడానికి కాకుండా, వారి శక్తి మౌలిక సదుపాయాలను లక్ష్యంగా పెట్టి, ఉక్రెయిన్ ప్రజలపై భయాందోళనలు సృష్టించడమే లక్ష్యం అని చెప్పారు.
ప్రస్తుతం, ఉక్రెయిన్‌లో విద్యుత్ సరఫరా తిరిగి పునరుద్ధరించేందుకు ఇంజనీర్లు నిరంతర కృషి చేస్తున్నారు. దేశంలో ఉన్న వారందరికీ ధన్యవాదాలు చెబుతూ, ఉక్రెయిన్ నాయకత్వం, రష్యా చేస్తున్న కుట్రలకు ధీటుగా ఉక్రెయిన్ పునరుద్ధరణ పనులను కష్టపడి కొనసాగిస్తుందని చెప్పారు.
రష్యా ఉక్రెయిన్‌పై 70కి పైగా క్షిపణులు , 100కు పైగా డ్రోన్‌లను ప్రయోగించింది. ఉక్రెయిన్ సైనికులు 50 క్షిపణులను, , అనేక డ్రోన్‌లను కూల్చివేయడం ద్వారా విజయం సాధించారు. ఈ దాడి ఉక్రెయిన్‌పై ఉద్దేశపూర్వకంగా జరిపిన చర్య అని జెలెన్స్కీ చెప్పారు.
Swiggy : స్విగ్గిలో ఈ సంవత్సరం అత్యధికంగా ఆర్డర్ చేసిన వంటకం ఇదే.. మన హైదరాబాదే టాప్‌..!