Telangana: నల్గొండ ఎటిఎంలో చోరీ.. 23 లక్షలు అపహరణ

New Web Story Copy 2023 07 31t011437.216

Telangana: నల్గొండ జిల్లాలో భారీ మొత్తంలో చోరీ జరిగింది. స్థానిక ఎస్బిఐ ఏటీఎం నుంచి 23 లక్షలు ఎత్తుకెళ్లారు దుండగులు. జిల్లాలోని ఎన్‌హెచ్ 65లో గల ఎస్‌బీఐ ఏటీఎంలో దొంగలు రూ.23 లక్షల నగదును అపహరించారు. ఎస్బిఐ ఏటీఎంలో రెండు మెషీన్లు ఉన్నాయి, ఒకటి ప్రైవేట్ ఏజెన్సీ మరియు మరొకటి ఎస్బిఐ. అయితే ఇందులో ప్రైవేట్ ఏజెన్సీ మెషీన్‌లో నగదు చోరీకి గురైంది. ఏటీఎం లోపల అమర్చిన సీసీటీవీ కెమెరాలో ముసుగులు ధరించిన ఐదుగురు వ్యక్తులు ఏటీఎంలోకి ప్రవేశించిన దృశ్యాలు రికార్డయ్యాయి. గుర్తు పట్టకుండా దుండగులు కెమెరాపై బ్లాక్ పెయింట్‌ను స్ప్రే చేస్తారు. దొంగలు గ్యాస్ కట్టర్‌ను ఉపయోగించినట్లు పోలీసుల విచారణలో తేలింది. నగదును అపహరించి మారుతీ ఓమ్నీ వ్యాన్‌లో పరారయ్యారు. విచారణ నిమిత్తం పోలీసులు కేసు నమోదు చేసి వేలిముద్రలు సేకరించారు. చోరీ అనంతరం రెండు ఇనుప రాడ్‌లను వదిలివెళ్లినట్లు పోలీసులు గుర్తించారు.

Also Read: Posani Krishna Murali : రోజా భర్త సెల్వమణిపై పోసాని కృష్ణ మురళి సంచలన వ్యాఖ్యలు..