One Nation One Election: వ‌న్ నేష‌న్‌- వ‌న్ ఎల‌క్ష‌న్‌కు కేంద్ర క్యాబినెట్ ఆమోదం.. కోవింద్ క‌మిటీలో నిర్ణ‌యాలివే..!

One Nation One Election: ‘ఒక దేశం-ఒకే ఎన్నికలు’ (One Nation One Election) ప్రతిపాదనకు మోదీ మంత్రివర్గం ఆమోదం తెలిపింది. దీనిపై కోవింద్ కమిటీ నివేదిక ఇచ్చిందని చెప్పారు. మాజీ రాష్ట్రపతి రామ్‌నాథ్ కోవింద్ నేతృత్వంలోని కమిటీ వన్ నేషన్ వన్ ఎలక్షన్ అవకాశాలపై మార్చిలో తన నివేదికను సమర్పించిందని మ‌న‌కు తెలిసిందే. ఈ నివేదికలో ఇచ్చిన సూచనల మేరకు తొలి దశగా లోక్‌సభ, రాష్ట్రాల అసెంబ్లీలకు ఒకేసారి ఎన్నికలు నిర్వహించాలి. లోక్‌సభ, రాష్ట్ర అసెంబ్లీ ఎన్నికలు ఒకేసారి జరిగిన 100 రోజుల్లో స్థానిక సంస్థల ఎన్నికలను కూడా నిర్వహించాలని కమిటీ సిఫార్సు చేసింది. దీంతో దేశంలో మొత్తం నిర్ణీత వ్యవధిలో అన్ని స్థాయిల్లో ఎన్నికలు నిర్వహించవచ్చు. ప్రస్తుతం లోక్‌సభ, రాష్ట్రాల అసెంబ్లీలకు వేర్వేరుగా ఎన్నికలు జరుగుతున్నాయి.

ప్రధానమంత్రి నరేంద్ర మోదీ చాలా కాలంగా వన్ నేషన్ వన్ ఎలక్షన్‌ను సమర్థిస్తున్నారని మన‌కు తెలిసిందే. ప్రధాని మోదీ మాట్లాడుతూ.. ఒక దేశం.. ఒకే ఎన్నికల సంకల్పాన్ని సాధించడానికి ప్రతి ఒక్కరూ కలిసి రావాలని నేను అభ్యర్థిస్తున్నాను. ఇది అవ‌స‌ర‌మైన స‌మ‌యమ‌న్నారు. లోక్‌సభ ఎన్నికలకు ముందు ఈ అంశంపై ప్రధాని మోదీ మాట్లాడుతూ.. మొత్తం ఐదేళ్ల ప్రభుత్వ హయాంలో ఎన్నికలు నిర్వహించరాదని అన్నారు. ఎన్నికలు మూడు, నాలుగు నెలలు మాత్రమే నిర్వహించాలని చెబుతుంటాను. ఐదేళ్ల పాటు రాజకీయాలు ఉండకూడదు. దీంతో ఎన్నికల నిర్వహణపై ఖర్చు తగ్గుతుందని మోదీ చెప్పుకొచ్చారు.

Also Read: Black Salt: మీ అందం రెట్టింపు అవ్వాలంటే బ్లాక్ సాల్ట్ తో ఇలా చేయాల్సిందే!

మాజీ రాష్ట్రపతి రామ్‌నాథ్ కోవింద్ నేతృత్వంలోని కమిటీ 62 రాజకీయ పార్టీలను సంప్రదించింది. వీరిలో 32 మంది ఒక దేశం, ఒక ఎన్నికలకు మద్దతు ఇచ్చారు. కాగా 15 పార్టీలు వ్యతిరేకించాయి. 15 పార్టీలు స్పందించలేదు.

కేంద్రంలోని ఎన్డీయే ప్రభుత్వంలో బీజేపీతో పాటు చంద్రబాబు నాయుడు టీడీపీ, నితీష్ కుమార్‌కు చెందిన జేడీయూ, చిరాగ్ పాశ్వాన్‌కు చెందిన ఎల్జేపీ (ఆర్) వంటి పార్టీలు ఉన్నాయి. జేడీయూ, ఎల్జేపీ (ఆర్‌)లు ఒకే దేశం, ఒకే ఎన్నికలకు అంగీకరించగా.. టీడీపీ మాత్రం దీనిపై ఎలాంటి సమాధానం చెప్పలేదు. JDU, LJP (R) ఒక దేశం, ఒక ఎన్నికలకు మద్దతు ఇచ్చాయి. ఇది సమయం, డబ్బు ఆదా చేస్తుందని పేర్కొన్నాయి. కాంగ్రెస్, సమాజ్ వాదీ పార్టీ, ఆమ్ ఆద్మీ పార్టీ, సీపీఎం, బీఎస్పీ సహా 15 పార్టీలు దీనిని వ్యతిరేకించాయి. అయితే జార్ఖండ్ ముక్తి మోర్చా, టీడీపీ, ఇండియన్ యూనియన్ ముస్లిం లీగ్ సహా 15 పార్టీలు ఎలాంటి సమాధానం ఇవ్వలేదు.