Nayanthara & Vignesh: ‘నయన్-విఘ్నేశ్’ పెళ్లి పనులు షురూ!

Nayanatara

కోలివుడ్ అందాల జంట విఘ్నేశ్ శివన్, నయనతార పెళ్లి చేసుకోబోతున్న సంగతి తెలిసిందే. ఈ జంట చాలా కాలంగా రిలేషన్‌షిప్‌లో ఉన్నారు. ఎన్నాళ్లో నుంచి పీకల్లోతు ప్రేమ మునిగిన ఈ జంట ఇంకొద్దిరోజుల్లో పెళ్లి పీటలెక్కపోతున్నారు. ఇటీవలనే తిరుమల తిరుపతిని దర్శించుకొని పెళ్లి గురించి ఆసక్తికర వ్యాఖ్యలు చేశారు. ఈ నేపథ్యంలో తాజాగా ఈ జంట తమ పెళ్లికి సంబంధించి పనులను ప్రారంభించారు. తమిళనాడులోని పాపనాశం సమీపంలోని వలత్తూరు గ్రామ దేవాలయంలో కనిపించారు.

నయనతార విఘ్నేష్ శివన్ పూర్వీకుల ఆలయాన్ని సందర్శించారు. అందుకు సంబంధించిన ఓ వీడియో సోషల్ మీడియాలో చక్కర్లు కొడుతోంది. వీడియోలో, నయనతార తమిళనాడులోని పాపనాశం సమీపంలోని వలత్తూరు దేవాలయం వైపు నడుస్తూ కారు దిగి కనిపించింది. అభిమానులు కూడా ఈ జంటపై పెళ్లిచేసుకోబోతుండటం పట్ల ఆనందం వ్యక్తం చేశారు.