Chandrayaan-3: చంద్రుడి సమీప కక్ష్యలో చంద్రయాన్-3.. ఇస్రో వీడియో

Chandrayaan-3: చంద్రుడికి అత్యంత సమీపంలోని కక్ష్యలో చంద్రయాన్-3 తన కార్యకలాపాలు కొనసాగిస్తున్నది. రేపు ఆగస్టు 23 సాయంత్రం 6 గంటల 4 నిమిషాలకు చంద్రయాన్ ల్యాండర్ విక్రమ్ చంద్రుడి ఉపరితలంపై దిగనుంది. అయితే ఈ రోజు ల్యాండర్ చంద్రునిపై మరో కొత్త చిత్రాలని ఇస్రోకి చేరవేసింది, వీటిని ఇస్రో ట్విట్టర్ ద్వారా పంచుకుంది. చంద్రయాన్ 3 ఎలా పనిచేస్తుందో ఇస్రో వివరించింది. చంద్రయాన్ 3 బాగా పనిచేస్తోందని ఇస్రో పేర్కొంది. అంతరిక్ష శాఖ సహాయ మంత్రి జితేంద్ర సింగ్ మాట్లాడుతూ.. మిషన్ షెడ్యూల్‌లో ఉందని తెలిపారు.

చంద్రుని ఉపరితలంపై తన ల్యాండర్ ల్యాండింగ్ చేయడానికి ఒక రోజు ముందు, చంద్రయాన్ -3 మిషన్ షెడ్యూల్‌లో ఉందని మరియు ప్రతిదీ షెడ్యూల్ ప్రకారం పనిచేస్తుందని ఇస్రో తెలిపింది. ఈ వ్యవస్థను ఎప్పటికప్పుడు తనిఖీలు చేస్తున్నామని, ప్రస్తుతానికి అయితే సజావుగా కొనసాగుతోందని ఇస్రో తెలిపింది. దీనితో పాటు ల్యాండర్ విడుదల చేసిన చిత్రాల వీడియోను కూడా ఇస్రో పంచుకుంది.

చంద్రయాన్ 3 ల్యాండింగ్‌తో భారత్ సరికొత్త చరిత్ర సృష్టించనుంది. నిజానికి అంతరిక్ష ప్రపంచంలో అమెరికా, రష్యా, చైనా తర్వాత ఈ ఘనత సాధించిన నాలుగో దేశంగా భారత్‌ అవతరిస్తుంది. అయితే, చంద్రుని దక్షిణ ధ్రువంపై అడుగుపెట్టిన ఏకైక దేశం భారతదేశం.

Also Read: YCP : సొంత నేతలపై రజనీ డైలాగ్ పేల్చిన ఎమ్మెల్యే వసంత వెంకట కృష్ణ ప్రసాద్