Hyderabd Car Fire: కారులో మంటలు.. తప్పిన ప్రాణపాయం

Car Fire

మాదాపూర్‌లోని హైటెక్‌సిటీ వద్ద శుక్రవారం ఉదయం రోడ్డుపై కదులుతున్న కారులో మంటలు చెలరేగాయి. ఇంజిన్‌ నుంచి మంటలు రావడంతో డ్రైవర్‌ తప్పించుకున్నాడు. ఈ ఘటనలో ఎవరికీ గాయాలు కాలేదని, ఇంజిన్‌లో షార్ట్‌సర్క్యూట్‌ వల్ల మంటలు చెలరేగాయని అనుమానిస్తున్నారు. కారు జూబ్లీహిల్స్ నుంచి మాదాపూర్ వైపు వెళ్తుండగా ఈ ఘటన జరిగింది. అగ్నిమాపక వాహనం ఘటనా స్థలానికి చేరుకుని మంటలను ఆర్పివేయడంతో కారు దగ్ధమైంది. ఈ ఘటనతో ట్రాఫిక్‌ స్తంభించింది. ట్రాఫిక్ పోలీసులు సంఘటనా స్థలానికి చేరుకుని వాహనాన్ని రోడ్డుపై నుంచి తొలగించి ట్రాఫిక్‌ను క్లియర్ చేశారు.