Warner Bros Studios : కాలిఫోర్నియాలోని వార్నర్ బ్రదర్స్ స్టూడియోలో భారీ అగ్నిప్ర‌మాదం..

అమెరికా కాలిఫోర్నియా (California) లో ప్రపంచ ప్రఖ్యాత వార్నర్ బ్రదర్స్ స్టూడియో (Warner Bros Studios) లో భారీ అగ్నిప్ర‌మాదం (huge Fire Accident) చోటుచేసుకుంది. బ‌ర్బ్యాంక్ లో ఉన్న ఈ వార్న‌ర్ బ్ర‌ద‌ర్స్ స్టూడియంలో ట్రాన్స్‌ఫార్మ‌ర్‌ పేలి భారీగా మంట‌లు చెల‌రేగాయి. మంట‌ల నుండి వెలువ‌డిన పొగ ఆ ప్రాంతాన్ని క‌ప్పేసింది. అయితే, ఈ ప్ర‌మాదంలో ఎవ‌రికి గాయాలు కాలేదు. మంట‌ల‌ను వెంట‌నే అదుపులోకి తీసుకొచ్చారు. వార్న‌ర్ బ్ర‌ద‌ర్స్ డిస్క‌వ‌రీ యాజ‌మాన్యంలోని స్టూడియో నుండి మంట‌లు ఎగ‌సిప‌డిన‌ట్లు సోష‌ల్ మీడియాలో వైర‌ల్ అయిన వీడియోల్లో క‌నిపించాయి. ఈ ఘ‌ట‌న అక్క‌డి కాల‌మానం ప్ర‌కారం మ‌ధ్యాహ్నం 1.38 గంట‌ల స‌మ‌యంలో చోటుచేసుకుంది. అప్ర‌మ‌త్త‌మైన ఫైర్ సిబ్బంది ఎగిసిప‌డుతున్న మంట‌ల‌ను 30 నిమిషాల్లో అదుపు చేశారు.

ఈ ప్ర‌మాదంలో ఎవ‌రికి గాయాలు కాక‌పోవ‌టంతో అంద‌రూ ఊపిరి పీల్చుకున్నారు. డ‌బ్ల్యూబీడీ ప్ర‌తినిధి డెడ్‌లైన్ మాట్లాడుతూ.. ట్రాన్స్ ఫార్మ‌ర్ పేల‌డం కార‌ణంగా మంట‌లు చెల‌రేగిన‌ట్లు చెప్పారు. స్టూడియంలో ఉన్న‌వారికి ఎవ‌రికీ గాయాలు కాలేదని, ప్ర‌తీఒక్క‌రిని జాగ్ర‌త్త‌గా ఇంటికి పంపించామ‌ని చెప్పారు. అయితే, ఈ అగ్నిప్ర‌మాదంలో న‌ష్టం ఎంత అనేది ఇంకా తెలియ‌రాలేదు. వార్న‌ర్ బ్ర‌ద‌ర్స్ బ‌ర్బ్యాంక్‌లో 110 ఎక‌రాల స్థ‌ల‌లో ఉంది. ఇందులో మొత్తం 36 సౌండ్ స్టేజ్‌లు, 14 బాహ్య సెట్‌లు ఉన్నాయి.

Kanaka Durga Temple : దుర్గ‌గుడిలో మ‌రోసారి బ‌య‌ట‌ప‌డ్డ చైర్మ‌న్‌, ఈవో మధ్య విభేదాలు.. ఈవోపై చైర్మ‌న్ ఆగ్ర‌హం