Hi Nanna: రేపే ఓటీటీలోకి వచ్చేస్తున్న `హాయ్ నాన్న’

Nani Big Deal with DVV Entertainments for Two Movies

Hi Nanna: నాని హీరోగా నటించిన ‘హాయ్ నాన్న’ సినిమా డిసెంబర్ 7న రిలీజ్‌ అయ్యింది. ఈ మూవీ జనవరి 4, 2024 నుండి నెట్‌ఫ్లిక్స్‌లో రానుంది. ఈ చిత్రం ఓటీటీ విడుదలకు సంబంధించిన అధికారిక ప్రకటన వివిధ సోషల్ మీడియా ప్లాట్‌ఫారమ్‌ల ద్వారా చేయబడింది. శౌర్యువ్ దర్శకత్వం వహించిన ఈ చిత్రం తెలుగు, తమిళం, మలయాళం, కన్నడ, హిందీతో సహా పలు భాషల్లో స్ట్రీమింగ్ కోసం రేపటి నుంచి నెట్‌ఫ్లిక్స్‌లో అందుబాటులో ఉంటుంది.

మోహన్ చెరుకూరి నిర్మించిన ఈ సినిమాలో తండ్రీకూతుళ్ల ఎమోషన్స్‌తో ప్రధానంగా నడిచే కథ ఉంటుంది. నానికి జోడీగా మృణాల్ ఠాకూర్ ఈ సినిమాలో నటించింది. ఫ్యామిలీ ఆడియన్స్ నుంచి ఈ సినిమా మంచి మార్కులు కొట్టేసింది.

ఈ సినిమాకు ఓవర్ ఆల్ గా రూ.75 కోట్ల గ్రాస్ వచ్చినట్టు సమాచారం. దీంతో ఈ సినిమా క్లీన్ హిట్ లిస్టులోకి చేరింది. ఇక హాయ్ నాన్న సినిమాకు రూ.40 కోట్ల బడ్జెట్ అవగా.. రూ.45 కోట్ల బ్రేక్ ఈవెన్ తో థియేటర్స్ లోకి వచ్చింది. దీంతో ఈ సినిమా నిర్మాతలకు కొంతమేర లాభాలు తెచ్చిపెట్టిందని చెప్పాలి.