ఆస్ట్రేలియన్ ఫిట్నెస్ ఔత్సాహికుడు జాక్సన్ ఇటాలియన్ గిన్నిస్ వరల్డ్ రికార్డ్ను (Guinness World Record) బద్దలు కొట్టి కొత్త చరిత్రను సృష్టించాడు. 24 గంటల్లో 8,008 పుల్ అప్లను (Pull Ups) చేయడం ద్వారా ఈ ఘనత సాధించాడు. ఆస్ట్రేలియా లోని డిమెన్షియా ఛారిటీ గ్రూప్ కు డబ్బును అందించడం కోసం అతడు ఈ ఫీట్ చేయడం విశేషం. అంతకుముందు తన నిధుల సేకరణ కోసం జాక్సన్ ఇటాలియన్ ఒక పేజీ తెరిచాడు. తాను చేసే ప్రతి పుల్ అప్ (Pull Ups) కోసం 1 డాలర్ ని పొందడం తన లక్ష్యమని చెప్పాడు. తన ప్రయత్నాలకు మద్దతు ఇవ్వాలని ప్రేక్షకులను కోరారు. ఎంతో శ్రమించి న్యూ సౌత్ వేల్స్ లో 24 గంటల్లో 8,008 పుల్ అప్లను చేశాడు. చిత్తవైకల్యంతో నివసిస్తున్న వ్యక్తులు, వారి కుటుంబాలు, సంరక్షకులకు కీలకమైన సహాయ సేవలను అందించడానికి తనకు వచ్చిన డబ్బులు డొనేట్ చేశాడు. గతంలో ఒక వ్యక్తి ఒక రోజులో 7,715 పుల్ అప్లు చేశాడు. 12 గంటల్లోనే 5900 పుల్ అప్లతో ఒక పాత రికార్డును కూడా బద్దలు కొట్టాడు.
వ్యాయామం చేసే వారు తమ బాడీ ఫిట్గా ఉండేందుకు కచ్చితంగా పుల్ అప్స్ చేస్తారు. వీటి వల్ల వీపు, ఛాతీ, భుజాల ఖండరాలు ఉత్తేజితమవుతాయి. అయితే ఇవి చేయడం కాస్త కఠినమే. రోజుకు 1,000 పుల్ అప్స్ చేయడమంటే గగనమే.
Also Read: Tea & Coffee: ఉదయాన్నే టీ, కాఫీ లకు బదులు ఈ ఆహారాలతో మీ రోజును మొదలుపెట్టండి.