Hyderabad: హైదరాబాద్‌లో ప్రముఖ బ్రాండ్‌లకు చెందిన నకిలీ ఉత్పత్తులను తయారు చేస్తున్న ముఠాను పోలీసులు అరెస్టు చేశారు. నిత్యావసర సరుకులు హెయిర్ ఆయిల్, డిటర్జెంట్ మరియు ఇతర వస్తువులు నకిలీవి అయ్యే అవకాశం ఉందని పోలీసులు హెచ్చరించారు. ఈ సందర్భంగా మన పరిసర కిరాణా దుకాణాల్లో కిరాణా సామాగ్రిని కొనుగోలు చేసే ముందు ఆలోచించాలని సూచించారు.
ప్రముఖ బ్రాండ్‌లకు చెందిన నకిలీ ఉత్పత్తులను తయారు చేస్తున్న ముఠాను పోలీసులు అరెస్టు చేశారు. టాస్క్ ఫోర్స్, సెంట్రల్ జోన్ బృందం, కాచిగూడ పోలీస్ స్టేషన్ సిబ్బందితో కలిసి కాచిగూడ పీఎస్ పరిధిలోని కుమార్ థియేటర్ సమీపంలో తనికీలు నిర్వహించారు. ఈ క్రమంలో రాజస్థాన్‌ నాగారంకు చెందిన మహేంద్ర సింగ్‌ను పట్టుకున్నారు. జనరల్ స్టోర్లో నకిలీ కొబ్బరి నూనె, సర్ఫ్ ఎక్సెల్ , డిటర్జెంట్ పౌడర్, ఫ్లోర్ క్లీనింగ్ లిక్విడ్‌లను అక్రమంగా కొనుగోలు చేసి విక్రయిస్తున్నట్లు పోలీసులు తెలిపారు. అందులో రెడ్ లేబుల్ బ్రాండ్, హార్పిక్ మరియు నకిలీ టీ పొడులు, బ్రూక్ బాండ్, ఎవరెస్ట్ బ్రాండ్ పేరుతో నకిలీ మసాలా పౌడర్ మొదలైనవి ఉన్నాయి.
కీసర మండలం (రాచకొండ), కాటేదాన్‌ పారిశ్రామికవాడలోని మైలార్‌దేవ్‌పల్లి (సైబరాబాద్‌) పరిధిలోని మూడు చోట్ల పోలీసులు ఏకకాలంలో దాడులు నిర్వహించారు. అక్రమంగా తయారీ, ప్యాకింగ్ యూనిట్లు ఏర్పాటు చేస్తున్న ముగ్గురు నిందితులతో పాటు ఒక బాలుడిని అదుపులోకి తీసుకున్నారు.