RR vs RCB: ఐపీఎల్ 60వ మ్యాచ్ రాజస్థాన్ రాయల్స్, రాయల్ ఛాలెంజర్స్ బెంగళూరు మధ్య జరిగింది. జైపూర్లోని సవాయ్ మాన్సింగ్ స్టేడియంలో ఈ మ్యాచ్ జరిగింది. ఈ మ్యాచ్లో ఆతిథ్య జట్టు ఘోర పరాజయాన్ని చవిచూడాల్సి వచ్చింది. ఈ మ్యాచ్లో ఆర్సీబీ 112 పరుగుల తేడాతో విజయం సాధించింది. తొలుత బ్యాటింగ్ చేసిన ఆర్సీబీ 20 ఓవర్లలో 171 పరుగులు చేసింది. ఈ లక్ష్యాన్ని ఛేదించే క్రమంలో రాజస్థాన్ ఇన్నింగ్స్ 59 పరుగులకే కుప్పకూలింది.
ఈ మ్యాచ్లో కెప్టెన్ ఫాఫ్ డుప్లెసీ అరిస్బీ 44 బంతుల్లో 55 పరుగులతో అద్భుత ఇన్నింగ్స్ ఆడాడు. అదే సమయంలో గ్లెన్ మాక్స్వెల్ 33 బంతుల్లో 54 పరుగులు చేశాడు. ఆర్సీబీకి తరచూ సమస్యగా మారిన బౌలింగ్ విభాగం ఈరోజు అద్భుత ప్రదర్శన చేసింది. ఆర్సీబీ తరఫున వేన్ పార్నెల్ 3 ఓవర్లలో 10 పరుగులిచ్చి 3 వికెట్లు పడగొట్టాడు. అదే సమయంలో మైకేల్ బ్రేస్వెల్, కరణ్ శర్మ 2-2 వికెట్లు తీశారు. మహ్మద్ సిరాజ్ 2 ఓవర్లలో 10 పరుగులిచ్చి 1 వికెట్ తీశాడు.
మ్యాచ్ అనంతరం ఆర్సీబీ కెప్టెన్ ఫాఫ్ డుప్లెసీ మాట్లాడుతూ, “మా నెట్ రన్ రేట్కు ఇది చాలా మంచి ఫలితం. మొదట బ్యాటింగ్ చేస్తున్నప్పుడు మేము పరిస్థితులను బాగా అర్ధం చేసుకున్నాము. 160 మంచి స్కోరు అవుతుందని భావించాము.” మేము 15వ ఓవర్ వరకు బాగా బ్యాటింగ్ చేసామని, అయితే చివర్లో అది సాధ్యపడలేదన్నాడు ఫాఫ్.
రాజస్థాన్ జట్టు :యశస్వి జైస్వాల్, జోస్ బట్లర్, సంజు శాంసన్, జో రూట్, ధృవ్ జురెల్, షిమ్రాన్ హెట్మెయర్, రవి అశ్విన్, ఆడమ్ జంపా, సందీప్ శర్మ, కెఎమ్ ఆసిఫ్, యుజ్వేంద్ర చాహల్
బెంగళూరు జట్టు: విరాట్ కోహ్లీ, ఫాఫ్ డుప్లెసీ (సి), మహిపాల్ లోమ్రోర్, గ్లెన్ మాక్స్వెల్, అనుజ్ రావత్, దినేష్ కార్తీక్ (వికె), హర్షల్ పటేల్, మైఖేల్ బ్రేస్వెల్, విజయ్ కుమార్ వైశాఖ్, వేన్ పార్నెల్, మహ్మద్ సిరాజ్
Read More: RR vs RCB: ఆర్సీబీ బౌలర్ల ధాటికి ఆర్ఆర్ విలవిల: 59 పరుగులకే ఆలౌట్