బాలీవుడ్ నటి సన్నీలియోన్ ఫ్యాషన్ షో సమీపంలో భారీ పేలుడు (Explosion)సంభవించింది. మణిపుర్ రాజధాని ఇంపాల్‌లో సన్నీలియోన్ (Sunny Leone) ఫ్యాషన్ షోకు శనివారం హాజరుకావాల్సి ఉంది. అయితే ఉదయం 6.30 గంటలకు పేలుడు జరిగింది. ఈ ఘటనతో స్థానికులు ఒక్కసారిగా ఉలిక్కిపడ్డారు. దీనిపై ఇప్పటి వరకు ఏ ఉగ్రవాద సంస్థ బాధ్యత ప్రకటించుకోలేదు. అయితే ఇందులో ఎటువంటి నష్టం లేదని తెలుస్తోంది.
Also Read: Twitter Blue Tick: బ్లూ టిక్ సబ్ స్క్రైబర్లకు ఆదాయం.. ట్విట్టర్ నిర్ణయం
ఇంఫాల్‌లో శనివారం ఒక ఫ్యాషన్ షో ఈవెంట్ వేదిక సమీపంలో శక్తివంతమైన పేలుడు సంభవించిందని, ఇందులో నటి సన్నీ లియోన్ హాజరవుతుందని ఒక అధికారి తెలిపారు. అయితే మణిపూర్ రాజధాని హట్టా కాంగ్జిబంగ్ ప్రాంతంలో జరిగిన ఈ ఘటనలో ఎవరూ గాయపడలేదు. ఇంఫాల్ ఈస్ట్ ఎస్పీ మహర్బామ్ ప్రదీప్ సింగ్ మాట్లాడుతూ.. మాకు అందిన సమాచారం ప్రకారం శనివారం ఉదయం 6.30 గంటల ప్రాంతంలో వేదిక నుండి కేవలం 100 మీటర్ల దూరంలో పేలుడు జరిగింది. ఫ్యాషన్ షో వేదిక వద్ద పేలుడు పదార్థం పేలింది. ఈ పేలుడుకు ఇప్పటి వరకు ఏ ఉగ్రవాద సంస్థ బాధ్యత వహించలేదు. ఎవరికీ గాయాలు అయినట్లు ఎటువంటి నివేదిక లేదు. ఇది చైనీస్ గ్రెనేడ్ వంటి పేలుడు పరికరం అని మేము అనుమానిస్తున్నామని ఆయన పేర్కొన్నారు. మరింత సమాచారం తెలియాల్సి ఉంది.