Elon Musk: ఎలాన్ మస్క్ (Elon Musk) మరోసారి ప్రపంచంలోనే అత్యంత ధనవంతుడు అయ్యాడు. టెస్లా CEO ఎలాన్ మస్క్ (Elon Musk), ఫ్రెంచ్ పారిశ్రామికవేత్త బెర్నార్డ్ ఆర్నాల్ట్ను వెనక్కి నెట్టారు. గత కొన్ని రోజులుగా ఎలాన్ మస్క్ సంపద పెరిగింది. అదే సమయంలో పారిస్ ట్రేడింగ్కు చెందిన బెర్నార్డ్ ఆర్నాల్ట్ ఎల్విఎంహెచ్ షేర్లు 2.6 శాతం క్షీణించాయి. బెర్నార్డ్ ఆర్నాల్ట్ కంపెనీ షేర్లలో భారీ పతనం కారణంగా మస్క్ మళ్లీ ప్రపంచంలోనే అత్యంత ధనవంతుడు అయ్యాడు. బ్లూమ్బెర్గ్ బిలియనీర్స్ ఇండెక్స్లో.. ఈ ఏడాది అగ్రస్థానం కోసం పోటీ నెలకొంది. కొన్నిసార్లు మస్క్, కొన్నిసార్లు బెర్నార్డ్ ఆర్నాల్ట్ అగ్రస్థానంలో ఉన్నారు. అయితే ఈ ఏడాది చాలా కాలం పాటు బెర్నార్డ్ ఆర్నాల్ట్ ప్రపంచంలోనే అత్యంత సంపన్నుడిగా కొనసాగారు. ఇక ఎలాన్ మస్క్ రెండో స్థానంలో నిలిచాడు.
బెర్నార్డ్ ఆర్నాల్ట్ షేర్లలో భారీ పతనం
బెర్నార్డ్ ఆర్నాల్ట్ 74 ఏళ్ల ఫ్రెంచ్ వ్యాపార దిగ్గజం. అతను డిసెంబర్ 2022లో మస్క్ను వెనక్కి ప్రపంచంలోనే అత్యంత ధనవంతుడు అయ్యాడు. ఆర్నాల్ట్ LVMHని స్థాపించారు. ఇది లూయిస్ విట్టన్, ఫెండి, హెన్నెస్సీతో సహా బ్రాండ్లను కలిగి ఉంది. బ్లూమ్బెర్గ్ వార్తా సంస్థ ప్రకారం.. చైనా ముఖ్యమైన మార్కెట్లో ఆర్థిక వృద్ధి మందగించడంతో లగ్జరీ రంగం క్షీణించింది. ఇటువంటి పరిస్థితిలో ఏప్రిల్ నుండి LVMH షేర్లు సుమారు 10 శాతం పడిపోయాయి.
Also Read: Pakistani Intruder: పాకిస్థాన్ చొరబాటుదారుడిని హతమార్చిన భద్రతా బలగాలు
1 రోజులో 11 బిలియన్ డాలర్ల నష్టం
ఒకానొక సమయంలో ఒకే రోజులో ఆర్నాల్ట్ మొత్తం ఆస్తుల నుండి $ 11 బిలియన్ల నష్టం వచ్చింది. మరోవైపు, బుధవారం వారి మొత్తం ఆస్తులలో $ 5.25 బిలియన్ల నష్టం జరిగింది. ఇప్పుడు బెర్నార్డ్ ఆర్నాల్ట్ మొత్తం ఆస్తులు 187 బిలియన్ డాలర్లు. అయితే ఈ ఏడాది ఆయన సంపద 24.5 బిలియన్ డాలర్లు పెరిగింది.
ఎలాన్ మస్క్ వద్ద ఉన్న సంపద ఎంత?
ప్రపంచంలోనే అత్యంత ధనవంతుడిగా అవతరించిన ఎలాన్ మస్క్ సంపద 192 బిలియన్ డాలర్లకు పెరిగింది. బ్లూమ్బెర్గ్ బిలియనీర్ ఇండెక్స్ ప్రకారం.. మస్క్ మొత్తం ఆస్తులు బుధవారం నాడు 1.98 బిలియన్ డాలర్లు పెరిగాయి. ఈ ఏడాది అతని మొత్తం ఆస్తులు 55.3 బిలియన్ డాలర్లు పెరిగాయి.