DJ Tillu Twitter Review: షాకింగ్ టాక్.. ట్విట్టర్‌లో డీజే టిల్లు రీసౌండ్

Dj Tillu Review

టాలీవుడ్ కుర్ర‌ హీరో సిద్ధు జొన్నలగడ్డ హీరోగా, విమల్‌ కృష్ణ దర్శకత్వంలో తెర‌కెక్కిన చిత్రం డీజే టిల్లు. యంగ్ బ్యూటీ నేహా శెట్టి హీరోయిన్‌గా న‌టించిన ఈ చిత్రాన్ని, సితార ఎంటర్‌టైన్మెంట్స్‌ పతాకంపై సూర్యదేవర నాగవంశీ నిర్మించారు. ఇప్పటికే విడుదలైన పోస్టర్స్, సాంగ్స్, టీజ‌ర్, ట్రైలర్‌ల‌కు మంచి రెస్పాన్స్ రావ‌డంతో, ఈ చిత్రం పై మంచి అంచ‌నాలు ఏర్ప‌డ్డాయి. ఈ క్ర‌మంలో తాజాగా శ‌నివారం ప్రేక్ష‌కుల ముందుకు వ‌చ్చింది డీజే టిల్లు.

ఇప్ప‌టికే ప్రీమియ‌ర్లు కంప్లీట్ అవ‌డంతో, సినిమా చూసిన ప్రేక్ష‌కులు సోష‌ల్ మీడియా వేదిక‌గా త‌మ అభిప్రాయాలు తెల్పుతున్నారు. డీజే టిల్లు మూవీ ఫ‌స్టాఫ్ అధిరిపోయింద‌ని సెకండాఫ్ మాత్రం కాస్త స్లో అయ్యింద‌ని, ఇంకాస్త ఎడిటింగ్ చేస్తే, సినిమా మ‌రో లెవ‌ల్‌లో ఉండేద‌ని, టోట‌ల్‌గా బొమ్మ హిట్ అంటూ కామెంట్స్ పెడుతున్నారు. ద‌ర్శ‌కుడు విమ‌ల్ కృష్ణ‌ డీజే టిల్లు పాత్ర‌ను డిజైన్ చేసిన విధానం సూప‌ర్ అని , డార్క్ హ్యూమ‌ర్ బ్యాక్‌డ్రాప్‌లో తెర‌కెక్కిన ఈ చిత్రంలో సిద్దూ కామెడీ టైమింగ్ అదిరిపోయిందని అంటున్నారు.

త‌న‌దైన్ యాటిట్యూడ్‌తో ఎంతో ఈజ్‌తో చేశాడ‌ని సిద్దు పై ప్ర‌శంస‌లు కురిపిస్తున్నారు. అలాగే పోలీస్ క్యారెక్ట‌ర్‌లో న‌టించిన బ్రహ్మాజీ న‌ట‌న కూడా ఈసినిమాలో హైలెట్ అని, మొత్తంగా చూసుకుంటే డీజే టిల్లు మూవీలో కామెడీ హిలేరియ‌స్‌గా వ‌ర్క‌వుట్ అయ్యింద‌ని, ఇది డీజే టిల్లు కాదు, బ్లాక్ బస్టర్ టిల్లు అని కామెంట్స్ పెడుతున్నారు. ఇక ఈ సినిమా పై విడుద‌ల‌కు ముందు నుంచే ఓ రేంజ్‌లో పాజిటీవ్ వైబ్రేష‌న్స్ రావ‌డంతో, ఈ మూవీ సక్సెస్ పై చిత్ర యూనిట్ మొదటి నుంచి కాన్ఫిడెన్స్‌తో ఉన్నారు. ఏది ఏమైనా ఈరోజు సోష‌ల్ మీడియాలో డీజే టిల్లు సౌండ్ మోత మోగిపోతోంది.