Congress Party Office: చండూర్ లో కాంగ్రెస్ పార్టీ కార్యాలయం దగ్ధం

Chandur

మునుగోడు రాజకీయాలు మరింత వేడెక్కుతున్నాయి. నియోజక వర్గంలోని చండూరు మండల కేంద్రంలో కాంగ్రెస్ పార్టీ కార్యాలయాన్ని గుర్తుతెలియని దుండగులు దగ్ధం చేశారు. ఈ ఘటనలో కాంగ్రెస్ ప్రచార సామాగ్రి కాలిపోయినట్టు కాంగ్రెస్ కార్యకర్తలు ఆరోపిస్తున్నారు. రాజకీయ కక్షలతో పార్టీ కార్యాలయం, ప్రచార సామగ్రిని దగ్ధం చేశారని మండిపడ్డారు. ఈ ఘటనను కాంగ్రెస్ నాయకులు, కార్యకర్తలు తీవ్రంగా ఖండిస్తున్నారు. దుండుగులను శిక్షించే వరకు ఎవరినీ వదిలిపెట్టేది లేదని హెచ్చరించారు. ఈ ఘటనతో చండూరులో ఉద్రిక్త పరిస్తితులు నెలకొన్నాయి.