Ayodhya Ram Temple : దీపావళి నాటికి అయోధ్య రామమందిరం గ్రౌండ్ ఫ్లోర్ రెడీ

Ayodhya Ram Temple

Ayodhya Ram Temple : అయోధ్య రామ మందిరం నిర్మాణ పనులు స్పీడ్ గా జరుగుతున్నాయి. 3 అంతస్తుల ఈ మందిరం గ్రౌండ్ ఫ్లోర్ నిర్మాణం ఈ ఏడాది అక్టోబర్ నాటికి పూర్తవుతుందని సంబంధిత వర్గాలు తెలిపాయి. గ్రౌండ్ ఫ్లోర్ పనులు చివరి దశలో ఉన్నాయని, ఆలయాన్ని 2024 జనవరిలో ప్రారంభిస్తామని రామ జన్మభూమి ట్రస్ట్ సభ్యుడు నృపేంద్ర మిశ్రా వెల్లడించారు. జనవరి ఒకటో తేదీ నాటికి ఆలయ పనులన్నీ పూర్తి అవుతాయని తెలుస్తోంది. 360×325 అడుగుల ఈ నిర్మాణంలో గ్రౌండ్ ఫ్లోర్ లో 160 నిలువు వరుసలు, మొదటి అంతస్తులో 132 నిలువు వరుసలు, రెండో అంతస్తులో 74 నిలువు వరుసలు ఉంటాయి. ఐదు మంటపాలు ఉంటాయి. ఆలయానికి టేకు చెక్కతో 46 తలుపులు ఉంటాయి.

Also read :  Rama Statue in Ayodhya: అయోధ్యలో రాముని విగ్రహం కోసం నేపాల్ నుండి శిలలు

అయోధ్య రామ మందిరం(Ayodhya Ram Temple) గర్భ గుడి ద్వారం బంగారు పూతతో ఉంటుంది. గర్భ గుడిపై 161 అడుగుల టవర్ గా ఉండే ఈ నిర్మాణం కోసం రాజస్థాన్ కు చెందిన 4 లక్షల క్యూబిక్ అడుగుల రాయి, పాల రాయిని ఉపయోగిస్తారు. ఉక్కు లేదా ఇటుకలను ఈ నిర్మాణంలో ఉపయోగించరు. 2020 ఆగస్టులో ప్రారంభమైన నిర్మాణం కాంప్లెక్స్ లోపల ఉన్న ఇతర నిర్మాణాలు, కుబేర్ గుట్టపై ఉన్న శివాలయం, జటాయువు విగ్రహం భక్తులను ఆకర్షిస్తాయని భావిస్తున్నారు. ఈ కాంప్లెక్స్‌లో యాత్రికుల సౌకర్యాల కేంద్రం, మ్యూజియం, ఆర్కైవ్‌లు, పరిశోధనా కేంద్రం, ఆడిటోరియం, పశువుల కొట్టం, ఆచారాల కోసం స్థలం, పరిపాలనా భవనం, పూజారుల కోసం గదులు కూడా ఉంటాయి. రామ మందిరం గర్భ గుడిలో విగ్రహ ప్రతిష్టాపన తేదీ ఇంకా ఖరారు కాలేదు. వచ్చే ఏడాది మకర సంక్రాంతి తర్వాత ప్రధాని మోడీ చేతుల మీదుగా  విగ్రహ ప్రతిష్టాపన మహోత్సవం జరిగే అవకాశం ఉంది.