Original Tesla: ఎలాన్ మస్క్ కు ఆనంద్ మహీంద్రా సర్ ప్రైజ్.!!

Anand

ఆనంద్ మహీంద్రా…సోషల్ మీడియాలో యాక్టివ్ గా ఉంటారు. స్పూర్తినింపే, ఆలోచింపజేసే, ప్రేరణ కలిగించే పోస్టులను ట్వీట్ చేస్తూ నిత్యం వార్తల్లో నిలుస్తుంటారు. ఇప్పుడు తాజాగా అలాంటి పోస్టు ఒకటి షేర్ చేసారు. టెస్లా సీఈవో, ప్రపంచ కుబేరుడు ఎలాన్ మస్క్ ను ట్యాగ్ కు చేశారు. దీని వెనకాల ఓ పెద్ద కారణమే ఉంది. మస్క్ కంపెనీ టెస్లా డ్రైవర్ తో పనిలేకుండానే దూసుకుపోయే కార్లను ఉత్తత్పి చేస్తోంది. ఈ కార్లకు సాంకేతిక పరిజ్ణానం, గూగుల్ మ్యాప్స్ సపోర్టు చాలా అవసరం.

అయితే అలాంటివేమీ అవసరంల లేకుండా ఒరిజినల్ టెస్లా వాహనం ఇదేనంటూ ఆనంద్ మహీంద్రా ఓ ఎడ్లబండి ఫోటోను పోస్టు చేశారు. ఎడ్ల బండిలో ముగ్గురు వ్యక్తులు ఉండగా…ఇద్దరు వెనక కునుకు తీస్తుంటే…ఒకరు బండిని నడుపుతుంటారు. ఎడ్లు మాత్రం సవ్యంగా గమ్యం దిశగా వెళ్తుంటాయి. ఈ ఫోటోను షేర్ చేసిన ఆనంద్ మహీంద్రా దీని ఫీచర్లను కూడా క్లుప్తంగా వివరించారు.

ఒరిజినల్ టెస్లా కారంటే ఇదే. దీనికి గూగుల్ మ్యాప్స్ అసలు పనేలేదు. ఇంధనం కానాల్సిన అవసరం లేదు. పొల్యూషన్ అంతకన్నా లేదు. ఇది పూర్తిగా ఆటోమెటిక్ వెహికల్ అని కామెంట్ పెట్టారు. దీనికి కావాల్సిది పనిచేసే ప్రదేశాన్ని సెట్ చేసుకోవడమే. ఆ తర్వాత హాయిగా బండెక్కి ఓ కునుకు తీసినా గమ్యాన్ని ఈజీగా చేరుకోవచ్చంటూ రాసుకొచ్చాడు. ఈ ట్వీట్ పై మస్క్ రియాక్షన్ కోరుతూ ట్యాగ్ చేశారు. ఇప్పుడీ ట్వీట్ నెట్టింట్లో వైరల్ అవుతోంది. ఎడ్లబండితో తనకున్న అనుభవాలను షేర్ చేసుకున్నారు ఆనంద్ మహీంద్రా.