Air India: అలయన్స్ ఎయిర్ ఇక మా అనుబంధ సంస్థ కాదు

Air India

అలయన్స్ ఎయిర్ ఇక తమ భాగస్వామ్య సంస్థ కాదని టాటా సన్స్ గ్రూప్ కు చెందిన ఎయిర్ ఇండియా గురువారం ట్విట్టర్ వేదికగా ప్రకటించింది. 9 తో మొదలయ్యే 4 అంకెల ఎయిర్ ఇండియా టికెట్లు, 9ఐ తో మొదలయ్యే 3 అంకెల ఎయిర్ ఇండియా టికెట్లు ఇప్పటికే కలిగినవారు ఆ బుకింగ్స్ అలయన్స్ ఎయిర్ కు చెందినవిగా పరిగణించాలని సూచించింది. ఇకపై అలయన్స్ ఎయిర్ కు చెందిన బుకింగ్స్, విచారణకు సంబంధించిన వ్యవహారాలను ఎయిర్ ఇండియా నిర్వహించదని స్పష్టం చేసింది. ఈవిషయాన్ని దృష్టిలో ఉంచుకోవాలని ప్రయాణికులకు సూచించింది. అలయన్స్ ఎయిర్ ప్రయాణికులు +91 4442554255, +91 4435113511 నంబర్లకు సంప్రదించాలని కోరింది. సపోర్ట్ @ అలయన్స్ ఎయిర్.ఇన్ మెయిల్ ఐడీకి తమ విజప్తులు పంపవచ్చని తెలిపింది.