Election Effect : గ్రూప్-2, డీఎస్సీ ఎగ్జామ్స్ వాయిదా పడతాయా ?

Strict rules for TSPSC Group 1 Exams on June 11th Sunday

Election Effect : తెలంగాణలో గవర్నమెంట్ జాబ్ రిక్రూట్మెంట్స్ పై ఎన్నికల ఎఫెక్ట్ పడింది. సోమవారం మధ్యాహ్నం రాష్ట్ర అసెంబ్లీ ఎన్నికల షెడ్యూల్ విడుదలవడంతో రాష్ట్రంలో జరిగే పలు పరీక్షలు వాయిదే పడే అవకాశాలు పెరిగాయి. నవంబరులో జరగాల్సిన గ్రూప్ 2 ఎగ్జామ్ తో పాటు డీఎస్సీ పరీక్ష కూడా వాయిదా పడే ఛాన్స్ ఉందని అంటున్నారు. అయితే డీఎస్సీ మొత్తం వాయిదా వేయాలా ? ఎస్జీటీ పరీక్ష మాత్రమే వాయిదా వేయాలా ? అనే దానిపై టీఎస్పీఎస్సీ, విద్యాశాఖ అధికారులు నిర్ణయం తీసుకోవాల్సి ఉంది. ఈ పరీక్షల రీషెడ్యూల్ పై త్వరలోనే అధికారిక ప్రకటనలు వెలువడే అవకాశం ఉందని వినవస్తోంది.

We’re now on WhatsApp. Click to Join

గ్రూప్ 2 పరీక్ష ఏర్పాట్ల కోసం 25వేలపైగానే పోలీసులతో పాటు రెవెన్యూ సిబ్బంది అవసరం. రాష్ట్రంలో ఇప్పటికే ఎన్నికల కోడ్ అమల్లోకి వచ్చింది. నవంబర్ 3 నుంచి అసెంబ్లీ ఎన్నికల నామినేషన్ల ప్రక్రియ మొదలు కావాల్సి ఉంది. దీంతో పోలీస్ యంత్రాంగం, రెవెన్యూ యంత్రాంగం ఎన్నికల ప్రక్రియలోనే బిజీగా ఉండనున్నారు. దీంతో సిబ్బంది కొరత, పరీక్ష ఏర్పాట్లలో అవాంతరాల కారణంగా నవంబర్ లో జరగాల్సిన గ్రూప్ 2 పరీక్షను వాయిదా వేయాల్సి వస్తుందని భావిస్తున్నారు. ఈ పరిణామాల నేపథ్యంలో ఓ వైపు టీఎస్పీఎస్సీ అధికారులు, మరోవైపు గ్రూప్ 2 పరీక్షకు అప్లై చేసిన 5లక్షల పైగానే అభ్యర్థులు అయోమయంలో ఉండిపోయారు.

Also read : Dengue Symptoms: టీమిండియా క్రికెటర్ ను కూడా వదలని డెంగ్యూ.. జ్వరాన్ని గుర్తించే లక్షణాలు, పరీక్షలు ఇవే..!

ఇక ఎన్నికలు ముగిసిన తర్వాతే ఈ పరీక్ష జరుగుతుందనే ప్రచారం మొదలైంది. అసెంబ్లీ ఎన్నికల ప్రభావం డీఎస్సీ పై కూడా పడింది. రాష్ట్రంలో 5వేలకుపైగా టీచర్ పోస్టుల భర్తీకి ప్రస్తుతం దరఖాస్తుల ప్రక్రియ కొనసాగుతోంది. ఎన్నికల షెడ్యూల్ కారణంగా ఈ పరీక్షల తేదీలు మారే అవకాశం ఉంది. నవంబర్ 30న పోలింగ్ నేపథ్యంలో ఆ తేదీకి 4రోజులు ముందు, 4 రోజుల  తర్వాత ఎలాంటి పరీక్షలు నిర్వహించే ఛాన్స్ ఉండదని అధికారులు అంటున్నారు. ఈ లెక్కన అక్టోబరు 25 నుంచి 30 వరకు జరిగే ఎస్​జీటీ పరీక్షల నిర్వహణ కష్టమేనని తెలుస్తోంది. దీంతోపాటు డిసెంబర్ 1, 2 తేదీల్లో జరిగే డీఎస్సీ మైనర్ ఎగ్జామ్స్ కూడా వాయిదా (Election Effect) పడనున్నాయి. అయితే వీటన్నింటిపైనా త్వరలోనే నిర్ణయం తీసుకునే అవకాశముంది.