తమిళనాడు ముఖ్యమంత్రిగా ప్రమాణ స్వీకారం చేసిన విజయ్కి ప్రధానమంత్రి నరేంద్ర మోదీ శుభాకాంక్షలు తెలిపారు. ప్రజల జీవన ప్రమాణాలను మెరుగుపరిచేందుకు రాష్ట్ర ప్రభుత్వంతో కలిసి పనిచేస్తామని హామీ ఇచ్చారు. తమిళనాడు ప్రజల కోసం అన్ని విధాలా సహకరిస్తామని అన్నారు. రాష్ట్రంలో ఆయన పాలన అద్భుతంగా ఉండాలని ఆకాంక్షించారు.
தமிழ்நாடு முதலமைச்சராக பதவியேற்றுள்ள திரு சி. ஜோசப் விஜய் அவர்களுக்கு வாழ்த்துகள். அவரது பதவிக்காலம் சிறப்பானதாக அமைய நல்வாழ்த்துகள். மக்களின் வாழ்க்கையை மேம்படுத்த மத்திய அரசு தமிழ்நாடு அரசுடன் இணைந்து தொடர்ந்து பணியாற்றும்.@TVKVijayHQ
— Narendra Modi (@narendramodi) May 10, 2026
Congratulations to Thiru C. Joseph Vijay on taking oath as Tamil Nadu Chief Minister. Best wishes for his tenure ahead. The Central Government will keep working with the Tamil Nadu Government to improve the lives of people.@TVKVijayHQ
— Narendra Modi (@narendramodi) May 10, 2026
విజయ్కి లోక్ సభలో ప్రతిపక్ష నేత రాహుల్ గాంధీ శుభాకాంక్షలు తెలియజేశారు. తమిళనాడు ప్రజాతీర్పు సమాజంలో పెరుగుతున్న యువ గళాన్ని ప్రతిబంబిస్తోందని పేర్కొన్నారు. దీనిని ఎప్పటికీ విస్మరించబోమని అన్నారు. కాంగ్రెస్ పార్టీ తమిళనాడు ప్రజల కోసం కృషి చేస్తూనే ఉంటుందని హామీ ఇచ్చారు.
తమిళనాడులో ఆరు దశాబ్దాల డీఎంకే, అన్నాడీఎంకే పార్టీల పాలనకు విజయ్ ముగింపు పలికారు. ఆదివారం ఉదయం ఆయన ముఖ్యమంత్రిగా ప్రమాణ స్వీకారం చేశారు. చెన్నైలోని జవహర్లాల్ నెహ్రూ ఇండోర్ స్టేడియంలో జరిగిన కార్యక్రమంలో గవర్నర్ రాజేంద్ర విశ్వనాథ్ ఆర్లేకర్, విజయ్తో ప్రమాణం చేయించారు. ఆయనతో పాటు కొత్త మంత్రివర్గంలో భాగంగా తొమ్మిది మంది మంత్రులు కూడా ప్రమాణ స్వీకారం చేశారు.