Monalisa మహాకుంభ్ మేళాలో తీయించుకున్న ఫొటోలతో రాత్రికి రాత్రే ఇంటర్నెట్ సెన్సేషన్గా మారిన మోనాలిసా తన చిరకాల ప్రియుడు ఫర్మాన్ ఖాన్ను పెళ్లాడారు. వీరిద్దరూ వేర్వేరు మతాలకు చెందిన వారు కావడంతో, వివాహం పట్ల వ్యతిరేకత వచ్చే అవకాశం ఉందని భావించి కేరళలోని ఒక ఆలయాన్ని వేదికగా చేసుకున్నారు.
ఈ జంటకు ప్రాణహాని ఉందన్న సమాచారంతో కేరళ పోలీసులు వారికి పూర్తి స్థాయి భద్రత కల్పించారు. ఆలయ ప్రాంగణంలో పోలీసులు పహారా కాస్తుండగా హిందూ సంప్రదాయం ప్రకారం వీరి వివాహం అత్యంత సరళంగా జరిగింది. ఫర్మాన్ ఖాన్ కూడా ఈ వివాహానికి హిందూ పద్ధతులను అనుసరించడం విశేషం.
మోనాలిసా తన పెళ్లి ఫొటోలను ఇన్స్టాగ్రామ్లో పంచుకోగానే నెటిజన్లు పెద్ద ఎత్తున స్పందించారు. కొందరు ఈ జంటను అభినందిస్తుండగా, మరికొందరు మిశ్రమంగా స్పందిస్తున్నారు. అయితే, తమ ప్రేమ గెలిచినందుకు సంతోషంగా ఉన్నామని, తమ నిర్ణయాన్ని గౌరవించాలని మోనాలిసా సోషల్ మీడియా ద్వారా కోరారు.