చెన్నై(Chennai)లో భారీ చోరీ ఘటన చోటుచేసుకుంది. తడ నుంచి డెక్కెన్ కంపెనీకి(Daikin Company AC) చెందిన 111 ఏసీలను పోర్టుకు తరలిస్తున్న కంటైనర్ మార్గమధ్యలో దొంగతనానికి గురైంది. ఈ చోరీలో డీఎంకే, అన్నాడీఎంకేకి చెందిన నాయకులు(DMK and AIADMK Leaders) ముద్దాయిలుగా నిలిచారు. చెన్నై పోలీసులు విచారణ చేపట్టి ఈ దొంగతనానికి పాల్పడ్డ 6 మంది సభ్యుల ముఠా జాడను గుర్తించారు. వీరిలో ముగ్గురిని అరెస్టు చేయగా, మరో ముగ్గురు పరారీలో ఉన్నారు.
Sabja Seeds Water: సబ్జా నీరు తాగితే జుట్టు పెరుగుతుందా.. ఇందులో నిజమెంత?
పోలీసుల ప్రకారం.. ఈ ముఠా ప్రణాళికాబద్ధంగా కంటైనర్‌ను నిలిపివేసి, అందులో ఉన్న 111 ఏసీలను దొంగిలించి, వాటిని గుప్తంగా విక్రయించేందుకు ప్రయత్నించింది. అయితే కంపెనీ యజమానులు పోలీసులకు ఫిర్యాదు చేయడంతో, పోలీసులు ప్రత్యేక దర్యాప్తు చేపట్టారు. సీసీటీవీ ఫుటేజ్, ఫోన్ కాల్ రికార్డుల ఆధారంగా నిందితుల స్థావరాన్ని గుర్తించి, ముగ్గురిని అదుపులోకి తీసుకున్నారు. మిగతా ముగ్గురి కోసం గాలింపు కొనసాగుతోంది.
ఈ ఘటనలో రాజకీయ నేతలు కూడా ప్రమేయం ఉండటంతో తమిళనాట పెద్ద సంచలనం రేపింది. పోలీసులు కేసును సీరియస్‌గా తీసుకొని, పరారీలో ఉన్న నిందితులను త్వరలోనే పట్టుకుంటామని తెలిపారు. డీఎంకే, అన్నాడీఎంకే పార్టీలు ఈ వ్యవహారంపై తమ అధికారిక స్పందన ఇవ్వాల్సి ఉంది.