తమిళనాడులోని కోయంబత్తూరు జిల్లాలో గురువారం రిఫ్రిజిరేటర్ పేలడం (Fridge Explosion)తో ఓ ఇంట్లో మంటలు చెలరేగాయి. దీని కారణంగా ఒక పోలీసు అధికారి, ఓ మహిళ సజీవ దహనం అయ్యారు. జిల్లాలోని పొల్లాచ్చి సమీపంలోని నల్లూరు గ్రామంలో ఈ ఘటన చోటుచేసుకుంది. అదే సమయంలో ఇంట్లో మంటలు చెలరేగినట్లు సమాచారం అందుకున్న పోలీసు ఉన్నతాధికారులు, అగ్నిమాపక సిబ్బంది ఘటనాస్థలికి చేరుకున్నారు.మృతులు చెన్నైలో పనిచేస్తున్న పోలీస్ ఇన్‌స్పెక్టర్లు శబరీనాథ్, శాంతిగా గుర్తించినట్లు అధికారులు తెలిపారు. ఇంట్లోని రిఫ్రిజిరేటర్‌లో పేలుడు కారణంగా మంటలు చెలరేగినట్లు ప్రాథమిక విచారణలో తేలిందని చెప్పారు. ప్రస్తుతం తదుపరి విచారణ కొనసాగుతోంది.
Also Read: Ileana D’Cruz: ఇలియానాకు తమిళ్ ఇండస్ట్రీ షాక్.. ఇకపై నో మూవీస్!
పోలీసులు తెలిపిన వివరాల ప్రకారం.. ఇంట్లో ఉంచిన రిఫ్రిజిరేటర్‌లో పేలుడు సంభవించిందని, ఆ తర్వాత మంటలు చెలరేగాయని ప్రాథమిక నివేదికలో వెల్లడైంది. మంటలు చెలరేగడంతో పోలీసు అధికారి, మహిళ తీవ్రంగా కాలిపోయారు. ఈ కారణంగా వారు మరణించారు. ఈ విషయంలో తదుపరి విచారణ కొనసాగుతోంది. సీనియర్ పోలీసు అధికారులు, అగ్నిమాపక సిబ్బంది సంఘటనా స్థలంలో ఉన్నారు. పోస్టుమార్టం ఇంకా చేయాల్సి ఉంది. తమిళనాడులోని చెన్నైలో ఇంట్లో ఉంచిన ఫ్రిజ్‌లో పేలుడు కారణంగా టీవీ రిపోర్టర్‌తో సహా ముగ్గురు కుటుంబ సభ్యులు గతంలో మరణించారు. షార్ట్ సర్క్యూట్ కారణంగా పేలుడు సంభవించిందని చెప్పారు.