మెటా యజమాని, CEO మార్క్ జుకర్బర్గ్ (Mark Zuckerberg) అతని భార్య ప్రిసిల్లా చాన్ మూడవసారి తల్లిదండ్రులు అయ్యారు. ఈ విషయాన్ని జుకర్బర్గ్ సోషల్ మీడియా ద్వారా వెల్లడించారు. మార్క్ సోషల్ మీడియాలో ఆడపిల్ల ఫోటోను కూడా పంచుకున్నాడు. ఆమెను దేవుని నుండి ఆశీర్వాదం అని పిలిచాడు. ఇన్స్టాగ్రామ్లో పోస్ట్ను పంచుకుంటూ ప్రపంచానికి స్వాగతం అని మార్క్ రాశారు. మార్క్ జుకర్బర్గ్, అతని భార్య ప్రిసిల్లా చాన్ సోషల్ మీడియాలో ఆడబిడ్డకు స్వాగతం పలికారు. కాగా.. మరోసారి అమ్మాయి పుట్టడం పట్ల జుకర్ బర్గ్ సంతోషం వ్యక్తం చేశారు. తన కుమార్తె పేరు అరేలియా చాన్ జుకర్ బర్గ్ అని వెల్లడించారు. ప్రపంచంలోకి స్వాగతం అరేలియా చాన్ జుకర్ బర్గ్ అంటూ సోషల్ మీడియాలో పోస్టు పెట్టారు.
Also Read: Cool Drinks: కూల్ డ్రింక్స్ వ్యాపారంలో స్వదేశీ విప్లవానికి రిలయన్స్ రెడీ..!
మార్క్ జుకర్ కాలేజీ మేట్ అయిన ప్రిసిల్లా చాన్ ను ప్రేమించి పెళ్లాడారు. వీరి వివాహం 2012లో జరిగింది. ఈ జంటకు ఇప్పటికే మ్యాక్సిమా, ఆగస్ట్ అనే ఇద్దరు కుమార్తెలు ఉన్నారు. జుకర్బర్గ్, చాన్ ల ప్రేమకథ 2003లో ప్రారంభమైంది. హార్వర్డ్ యూనివర్శిటీ పార్టీలో బాత్రూమ్ కోసం లైన్లో నిలబడి ఉన్నప్పుడు ఇద్దరూ మొదటిసారి కలుసుకున్నారు. దీని తరువాత వారిద్దరూ సెప్టెంబర్ 2010 లో ఫేస్బుక్లో తమ అనుబంధాన్ని ప్రకటించారు. 2012 సంవత్సరంలో వారిద్దరూ వివాహం చేసుకున్నారు. ఈ జంట ఇటీవలే తమ 10వ వివాహ వార్షికోత్సవాన్ని జరుపుకున్నారు